A ndikon kokëdhimbja tek plakja e trurit

Press Online
Read Time2 Minutes, 26 Seconds

Plakja e trurit është kthyer në kryefjalën e shqetësimeve mbarë botërore prej disa vitesh tashmë.

Sipas të dhënave nga Instituti Internacional i Alzhaimerit, çdo 3 sekonda në botë dikush preket nga dementia apo Alzhaimer. Përhapja me shpejtësi e kësaj sëmundje pritet të rritet përsëri përgjatë 20 vjetëve të ardhshme.

Sot në botë ka rreth 50 milionë persona që vuajnë nga plakja e trurit dhe harresa. Pritet që kjo shifër të arrijë në 75 milionë në vitin 2030 dhe 131.5 milionë në vitin 2050. Shqetësimi i mjekëve është konkret në lidhje me masat që duhet ndërmarrë për ta parandaluar.

Gjithashtu edhe për gjetjen e shkaqeve të zhvillimit të saj. Mundësitë variojnë që nga stili i keq i jetesës, medikamentet apo gjenet, gjithsesi shumë nga shkaqet janë ende të pazbuluara.

A ndikon dhimbja e kokës tek plakja e trurit

Duke qenë një sëmundje që prek trurin, plakja e tij sipas mjekëve mund të vijë pikërisht nga sforcime të kësaj pjese të trupit. Sëmundjet që shkaktojnë plakje dhe harresë të trurit, thuhet se janë me të shpeshta tek personat e moshuar. Gjithsesi ky pohim prej disa vitesh nuk është krejtësisht i vërtetë, pasi sëmundja po përhapet edhe në mosha më të reja duke filluar që në të 30 apo 40-at.

Për këtë arsye ekspertët nga Universiteti Uaterfalo në Ontario të Kanadasë, e zgjeruan studimin e tyre tek një problem që i prek të gjithë, dhimbja e kokës. Konkretisht tek personat që vuajnë nga krizat të sëmundjes së migrenës prej vitesh. Të dhënat që ata mblodhën treguan se ka një lidhje mes dhimbjeve të forta e të vazhdueshme të kokës dhe plakjes së trurit.

Në këtë studim u morën parasysh edhe gjendje të tjera të organizmit. Siç është presioni i lartë i gjakut, diabeti, ishemia apo problemet kardiovaskulare. Të gjithë këta faktorë krahas sëmundjes së migrenës mund të ishin shkaqet konkrete të shfaqjes së dementias.

Rreziku i prekjes 3-4 herë më i lartë

Për personat që vuajnë nga sëmundja e migrenës, rreziku i përshpejtimit të plakjes së trurit rreziku është 3-4 herë më i lartë. Sipas studimit çdo person që vuante nga migrena në një periudhë të jetës zhvillonte në një fazë më të vonë edhe sëmundje të harresës siç është Alzhaimeri.

Ndaj kujdesi ndër këta persona duhet të jetë edhe më i lartë për ta parandaluar zhvillimin sëmundjes. Sipas mjekëve duke qenë se nuk ka ende një kurë përfundimtare për këto sëmundje, parandalimi i tyre është thelbësor.

Si fillim kuptoni shkakun e dhimbjeve të vazhdueshme të kokës dhe mundohuni ta parandaloni atë. Gjithashtu kujdesuni të keni një stil jetese të shëndetshëm dhe shumë aktiv.

0 0

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Next Post

Qyteti gjerman po ofron një mënyrë të thjeshtë për t’i fituar një milion euro

Ekziston një mënyrë e thjeshtë për t’i fituar një milion, për personat që mund të sigurojnë të dhëna shpejt. Për afro 30 vite, qytetarët gjermanë kanë insistuar se qyteti i Bielefeld, në veri-perendim të vendit, nuk ekziston. Në vitin 1993, Achim Held, atëbotë studenti i shkencave kompjuterike në Universitetin e […]