A ka rrezik nga ndikimet ruse dhe kineze në Maqedoni?!

Press Online
Read Time1 Minute, 42 Seconds

Rreziku nga ndikimet ruse dhe kineze për të cilat një ditë më parë sekretari shtetëror amerikan Majkëll Pompeo paralajmëroi vendin, sipas ekspertëve dhe autoriteteve në vend, është real. Eksperti i sigurisë Marjan Gjurovski deklaroi se është koha për përgatitjen e burimeve njerëzore për mbrojtje konkretisht nga kërcënimet hibride, në prag të anëtarësimit në NATO.

Gjurovski thekson se veprimet armiqësore me ndikim të jashtëm arritën kulmin gjatë nënshkrimit të marrëveshjeve me Greqinë dhe me Bullgarinë. Drejtori i Agjencisë për Siguri Kombëtare Viktor Dimovski thotë se vendi deri tani nuk ka pasur përvojë më të madhe me ballafaqimin me këto kërcënime por mbetet i ekspozuar.

“Dua të them se kërcënimet hibride vërtetë në periudhën e fundit bëhen kërcënim serioz për sigurinë kombëtare si në vendin tonë, ashtu edhe në rajon por edhe më gjerë. Kërcënimet hibride janë pranuar si kërcënim edhe për NATO-n dhe Bashkimin Evropian dhe nga ky aspekt edhe njëra organizatë edhe tjetra kanë ndërtuar strategji për bashkëpunim dhe për kundërshtim të këtij kërcënimi bashkëkohor- pohoi Viktor Dimovski, drejtor i ASK-së.

Gjurovski dhe Dimovski qëndrimet e tyre i shprehën në konferencën “Kërcënimet hibride dhe ndikimi i tyre mbi demokracinë” në Shkollën rajonale për siguri. Kërcënimet hibride përfshijnë veprime ushtarake dhe joushtarake në formën e desinformatave, sulmeve kibernetike dhe presioneve ekonomike. Ndërkohë një ditë më parë, sekretari shetëror i SHBA-ve, Pompeo, gjatë vizitës së tij të parë në vendftoi për rezistencë dhe mbrojtje ndaj ndikimeve të dëmshme ruse dhe paralajmëroi për rrezikun nga investimet kineze. Pompeo gjithashtu foli për mbështetjen e fuqishme të SHBA-ve për anëtarësimin e plotë të vendit në NATO dhe luftën kundër krimit dhe korrupsionit. (Alsat-M)

0 0

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Next Post

Timonie: Franca ka disa arsye pse të hamendet për dhënien e datës së bisedimeve BE-RMV

Në një intervistë me Portalb.mk, ambasadori i Francës në Shkup, Kristian Timonie flet për pritjet e shtetit të tij para se të vendoset për fatin e euro-integrimeve të Maqedonisë së Veriut. Ambasadori disa herë potencon se reformat duhet të jenë të prekshme dhe reale si për qytetarët ashtu edhe për […]