Ambasadat e SHBA-së dhe Britanisë mirëpresin formimin e qeverisë

Ambasada amerikane në Prishtinë ka përshëndetur formimin e qeverisë së re në Kosovë. “Mezi pres të punojë me të gjitha institucionet e Kosovës, partitë tjerë dhe shoqërinë civile për të fuqizuar drejtësinë dhe për t’i ndihmuar Kosovës në ndërtimin e marrëdhënieve paqësore me fqinjtë e saj”, ka thënë ambasadori amerikan, Philip Kosnett në një postim në rrjetin social, Twitter.

Të hënën në Kuvendin e Kosovës është votuar qeveria e re, në krye me liderin e Lëvizjes Vetëvedosje, Albin Kurti.

Qeveria e re është rezultat i koalicionit mes Lëvizjes Vetëvendosje dhe Lidhjes Demokratike të Kosovës.

Qeverinë e udhëhequr nga Kurti e kanë mbështetur 66 deputetë, ndërsa ka pasur 10 abstenime dhe asnjë kundër. Pak para votimit, partitë politike opozitare kanë lëshuar sallën e kuvendit.

Formimin e qeverisë së re e ka përgëzuar edhe ambasada britanike.

“Është një rrugë e rëndë përpara për administratën e re, duhet të adresohen çështje urgjente, duke përfshirë buxhetin shtetëror për vitin 2020, vendimet e bllokuara administrative dhe sundimin e ligjit. Me 6 tetor, Kosovarët votuan për ndryshim. Qeveria e re duhet të tregojë guxim dhe kreativitet në implementimin e dëshirave të votuesve dhe shpresave të gjithë kosovarëve”, ka thënë ambasadori britanik në Prishtinë, Nicholas Abbott.

Lajme të ngjashme:

Largimi i shqiptarëve, rritet numri i azilkërkuesve drejt Europës
Të frenosh shqiptarët të ikin jashtë vendit duket një mision i pamundur. Përtej politikave të qeverisë, Shqipëria është përballur me një numër në rritje ...
Meta: Sorrat kurrë nuk do të bëhen shqiponja
Presidenti i Shqipërisë, Ilir Meta, ka vazhduar me fushatën për pjesëmarrje sa më të madhe në tubimin që e ka thirrur për 2 mars ...
Kosova me politikat që ndjek shpejt do të përballet me mungesë të rinisë
Ekspertët e kësaj fushe vlerësojnë se vendi ynë nuk ka ndërmarrë asgjë për të stimuluar natalitetin dhe shumë shpejt do të përballet me mungesë ...
Kurti falënderon deputetët që miratuan Ligjin për buxhetin, lavdëron Vjosa Osmanin
Kryeministri i Kosovës, Albin Kurti, ka falënderuar deputetët të cilët mbrëmë kanë miratuar ligjin për buxhetin 2020. Ai përmes një postimi në Facebook ka thënë ...

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *