Connect with us

KULTURË

Shuhet Zekthi, “shqiponja” e valleve shqiptare

Published

on

Arti shqiptar është në zi. Ikona e Ansamblit të Këngëve dhe Valleve Popullore, mjeshtëri i shquar i valleve popullore Besim Zekthi, është ndarë nga jeta në moshën 84 vjeçare. Lajmin e ka bërë me dije Teatri Kombëtar i Operës, Baletit dhe Ansamblit Popullor. “Teatri Kombëtar i Operës, Baletit dhe Ansamblit Popullor, me hidhërim të thellë njofton ndarjen nga jeta të mjeshtrit të valles popullore mbarë shqiptare, “Nderi i Kombit” – Besim Zekthi. Artisti humbi betejën me një sëmundje të rëndë, në moshën 84 vjeçare, në shtëpinë e tij në Tiranë, rreth një orë më parë.” bëhet e ditur në njoftim.

Besim Zekthi lindi më 5 shkurt 1936 në Tiranë. Kërcimtar, mjeshtër i valles popullore shqiptare, solist i pakrahasueshëm i Ansamblit të Këngëve dhe Valleve Popullore, Zekthi ishte ndër protagonistët kryesorë që i dha Gjerdanin e Artë Shqipërisë në festivalin e Dizhonit në Francë në vitin 1970.

Nga viti 1957 deri në vitin 1990, “Mjeshtri i madh” – Besim Zekthi interpretoi në mbi 200 valle si solist. Ai realizoi me qindra figura artistike, të cilat janë të fotografuara në memorien artistike të gjithë adhuruesve të tij, në mbarë brezat shqiptarë, veçanërisht në “Vallja e shqipeve” dhe “Festë ka sot Shqipëria” . Karriera e tij shënon kulme suksesi jo vetëm në trevat shqiptare, por anekënd botës, ku me Ansamblin e Këngëve e Valleve Popullore, Besim Zekthi “i dha zë e shpirt” valles dhe muzikës tone tradicionale.

Jeta e tij artistike është e lidhur fort me jetën artisike të Ansamblit të Këngëve dhe Valleve Popullore, jo vetëm si valltar, por edhe si krijues. Shumë valle të krijuara prej tij edhe sot interpretohen me sukses nga artistët e AKVP, si pjesë e fondit të artë të trashëgimisë kulturore shqiptare.Ndër to mund të përmendim: “Valle me motive të Lapardhasë”, “Valle e Librazhdit”, “Valle e Shengjergjit”, “Valle e Leskovikut”, “Valle me motive të Çermenikës”, “Valle e Konispolit”, “Valle lave”, “Valle e Kuksit”, “Valle me motive të Prizrenit”, “Valle me motive të Krujës”, “Për flamur, për atdhe”, “ Dasma e Rugovës”, “Valle me motive të Drenicës”, “Gju më gju me popullin”, “Valle myzeqare”, “Vjelja e mollëve”, etj.

LEXONI EDHE KËTË:  “The News” i Shqipërisë me çmim në Australi hap dyer për “Oscar”

Në vitin 2017 për të gjithë kontributin e tij artistik, në më shumë se 50 vjet në Ansamblin Popullor të Këngëve dhe Valleve, por dhe më gjerë, Besim Zekthi u dekorua nga Presidenti i Republikës Ilir Meta, me titullin “Nderi i Kombit”.

86
Advertisement
Click to comment

Leave a Reply

Adresa juaj email s’do të bëhet publike. Fushat e domosdoshme janë shënuar me një *

op/ed

Kosovë/Shqipëri

LIFESTYLE

KURIOZITETE