Connect with us

TECH

Huawei tejkalon Samsungun me shitje të telefonave të mençur

Published

on

Gjiganti i telekomunikimeve në Kinë, Huawei, e kaloi kompaninë jug-koreane të teknologjisë, Samsung, duke u bërë shitësi më i madh i smartfonëve në botë, në tremujorin e dytë të vitit.

Kompania e kërkimeve Canalys tha se Huawei, i cili përballet me sanksione nga Shtetet e Bashkuara, ka shitur 55.8 milionë pajisje, duke e tejkaluar për herë të parë Samsungun, i cili ka shitur 53.7 milionë.

Ky është tremujori i parë në nëntë vjet që një kompani tjetër përveç Samsungut ose gjigantit amerikan, Apple, udhëheq tregun, tha Canalys.

Huawei është pjesë e mosmarrëveshjeve gjeopolitike midis Pekinit dhe Uashingtonit dhe sanksionet e SHBA-së e kanë “ngufatur” biznesin e tij jashtë territorit të Kinës, por ai ka mbizotëruar tregun e brendshëm.

Uashingtoni pretendon se firma paraqet kërcënim të konsiderueshëm për sigurinë në internet dhe e ka ndaluar atë në tregun amerikan, ndërsa udhëheq një fushatë për ta izoluar edhe globalisht.

Huawei është po ashtu prodhuesi më i madh në botë i pajisjeve të rrjeteve të telekomunikacionit.

Më shumë se 70 për qind e smartfonëve Huawei shiten tani brenda Kinës, ku Samsung ka një pjesë shumë të vogël të tregut, tha Canalys.

Dërgesat jashtë shtetit, megjithatë, kanë rënë për gati një të tretën në tremujorin e dytë.

25
LEXONI EDHE KËTË:  Modeli më i lirë i iPhone 12 pritet të kushtojë 549 dollarë
Advertisement
Click to comment

Leave a Reply

Adresa juaj email s’do të bëhet publike. Fushat e domosdoshme janë shënuar me një *

op/ed

Kosovë/Shqipëri

LIFESTYLE

KURIOZITETE