Mustafa mirëpret takimin në Washington, thotë u rikonfirmua angazhimi i SHBA-së në dialog

Kryetari i Lidhjes Demokratike ka mirëpritur takimin në Washington, që pritet të ndodh më 2 shtator.

“Takimi në Washington, më 2 shtator, një lajm i pritur, i cili rikonfirmon angazhimin e SHBA-ve në procesin e dialogut. Kosova nuk e ka humbur asnjëherë besimin në partneritetin e fuqishëm me Shtetet e Bashkuara të Amerikës dhe është mirënjohëse për tërë përkrahjen e saj. Roli i SHBA-së dhe BE-së në përmbylljen e procesit të dialogut me Serbinë me njohje reciproke është i një rëndësie të madhe për Kosovën”, shkroi Mustafa në Facebook.

Të mërkurën e 2 shtatorit, liderët e Kosovës dhe Serbisë do të priten në Shtëpinë e Bardhë, nga i dërguari amerikan për dialogun, Richard Grenell dhe Robert O’Brien, Këshilltar për Sigurisë Kombëtare i presidentit Trump.

Mirëpo, bashkë me kryeministrin kosovar, Avdullah Hoti, pritet të mos jetë presidenti Hashim Thaçi. Kështu të paktën ka lënë të kuptohet Grayson Vincent nga Këshilli i Sigurisë Kombëtare të SHBA-së. Vincent është pyetur nga KOHA nëse ftesa për takim i është dërguar edhe Thaçit, por në përgjigje, zyrtarja amerikane ka përmendur vetëm Hotin dhe presidentin serb, Aleksandar Vuçiq, si liderë ndërmjet të cilëve do të zhvillohet takimi.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *