Vodno e Shkupit a është e “paprekshme”, udhëtregues pa gjuhën shqipe

0
40

Në Malin Vodno mbi Shkup sot janë përuruar 42 tabela treguese të shtigjeve, ku mungon gjuha shqipe.

Këto tabela janë vetëm në maqedonisht dhe në gjuhën angleze, ndërsa kryetari i Qytetit të Shkupit, Petre Shilegov theksoi se ato janë vendosur si pjesë e pilot – projektit për nënvizimin e shtigjeve malore dhe të bicikletave nëpër Shkup.

Projekti i këtyre tabelave treguese të shtigjeve është financuar nga Qeveria e Çekisë, përmes programeve për kooperim, ndërsa është realizuar nga Federata e Alpinistëve të Maqedonisë së Veriut, mbështetur nga Qyteti i Shkupit, përcjell INA.

Por anashkalimi i gjuhës shqipe tregon se edhe në këtë rast nuk po respektohet Ligjit për gjuhët.

Nga Qyteti i Shkupit të pyetur nga INA se përse në këto tabela nuk respektohet gjuha shqipe, kanë dhënë përgjigjen e tyre:

“Ne si Qytet i Shkupit kemi përgjegjësi vetëm për tabelat të cilat vendosen nga Qyteti i Shkupit. Këto tabela as nuk janë dizajnuar nga ne as nuk janë vendosur nga ne. Tabelat janë vendosur nga shoqata e alpinistëve dhe nga ne kanë kërkuar leje për të vendosur tabela. Tabelat janë finansuar nga ambasada e Çekisë”, thuhet në përgjigjen e Qytetit të Shkupit.

Nga Federata e Aplinistëve nuk ka ndonjë përgjigje lidhur me këtë çështje, por që siç shkruan në faqen e tyre këto tabela janë vendosur për të informuar vizitorët, sportistët dhe të gjithë ata që dalin për rekreim në këtë zone. Edhe nga Ambasada e Çekisë pritet të deklarohen lidhur me këtë çështje.

Lidhur me këtë rast pritet edhe përgjigja nga Agjencia e Zbatimit të gjuhëve, por edhe Inspektorati për Zbatimin e Ligjit të Përdorimit të Gjuhëve, që funksionon në kuadër të Ministrisë së Drejtësisë.

Shkuaj një koment

Please enter your comment!
Please enter your name here