RAJON

Albin Kurti: Drejtësi për Klodianin do të thotë drejtësi e demokraci për Shqipërinë

Kreu i Lëvizjes Vetëvendosje Albin Kurti i ka shprehur sot ngushëllime familjes Rasha dhe shoqërisë shqiptare në tërësi, për humbjen e 25-vjeçarit Klodian Rasha, i cili u vra nga një efektiv policie.

“Thirrja ‘Drejtësi për Klodianin’ ka bërë jehonë kudo mes shqiptarëve. Ata që janë në majë të pushtetit politik e shtetëror, biznesor e mediatik, tash e kanë momentin e fundit që të kuptojnë se shumëçka që është bërë gabim deri më sot, ka prodhuar zhgënjim të madh”, shprehet Kurti në mesazhin e tij.

Ish-kryeministri i Kosovës thekson në mbyllje të deklaratës së tij se drejtësi për Klodianin do të thotë drejtësi e demokraci e mirëfilltë për Shqipërinë.

Statusi i plotë

Ngushëllime familjes e shoqërisë, dhe mbarë të rinjve shqiptarë, për Klodian Rashën, 25 vjeçarin të cilit ia morën jetën në rrugicën pranë shtëpisë së tij.

I kam ndjekur me vëmendje nga mediat protestat dhe e kam ndjerë edhe në Prishtinë revoltën e të rinjve në Tiranë e qytete të tjera të Shqipërisë. Thirrja “Drejtësi për Klodianin” ka bërë jehonë kudo mes shqiptarëve.

Ata që janë në majë të pushtetit politik e shtetëror, biznesor e mediatik, tash e kanë momentin e fundit që të kuptojnë se shumëçka që është bërë gabim deri më sot, ka prodhuar zhgënjim të madh.

Janë zhgënjyer qytetarët tanë, rinia jonë, siç janë zhgënjyer edhe partnerët ndërkombëtarë që kanë interes në forcimin e shqiptarëve.

Revolta rinore mund të mos ketë patur fjalime të sofistikuara mirëpo ajo foli e po flet qartë. Bashkë me fenomenin tjetër, emigrimin masiv, këto revolta po japin mesazhin se shqiptarët nuk mund të bashkëjetojnë më me këtë lloj sistemi politik dhe ekonomik korruptiv, që shkakton padrejtësi, pabarazi e prapambetje.

LEXO »  Quint: Detyra e parë, zgjedhja e presidentit të ri të Kosovës

Edhe në Kosovë jemi në të njëjtën pikë, por këtu ende nuk po shpërthen revolta, sepse është edhe një shpresë. Atë shpresë nuk do ta lëmë pa e bërë realitet.

Sigurisht, me angazhimin e shqiptarëve, e sidomos të rinjve, edhe në Shqipëri do të mundësohet rikthimi i shpresës, e ndryshimi i rrugës, larg korrupsionit dhe drejt zhvillimit. Shqipëria ka plot njerëz të ndershëm, të aftë e të palodhur, që u qan zemra për ta parë vendin e vet mirë, me demokraci e drejtësi. U duhet vetëm të nisin të organizohen e të strukturohen, për t’i kapërcyer pengesat e vjetra, dhe kam bindjen që shpejt do të ndodhë edhe ajo.

Drejtësi për Klodianin do të thotë drejtësi e demokraci e mirëfilltë për Shqipërinë.

Lajme të ngjashme

Lumir Abdixhiku zgjidhet kryetar i ri i LDK-së

Press Online

Kurti: Tash kemi hyrë në zonën e re të prosperitetit për popullin e Kosovës

Press Online

Bërnabiq: Serbia ka vaksinuar me dozën e dytë rreth 20 për qind të popullatës

PressOnline.mk

Kryeministri Kurti merr vaksinën anti-Covid (VIDEO)

PressOnline.mk

Testet e shpejta hapin shkollat/ Greqi, rikthehet mësimi në gjimnaze

PressOnline.mk

Kusari-Lila: Ky proces dëshmoi vlerën e demokracisë

Press Online