Lidhu me ne

SHOWBIZ

Dua Lipa në mesin e yjeve që interpretuan në koncertin festiv “iHeart Radio Jingle Ball”

»

: Botuar më

Me prezencën e vazhdueshme të pandemisë së koronavirusit në botë, organizimet e ngjarjeve kulturore dhe argëtuese po vazhdojnë të sfidohen, duke u mbajtur në formë virtuale dhe pa prezencën e publikut çka zakonisht u sjellë këtyre organizimeve atmosferë dhe gjallëri.

Prandaj edicioni i sivjetmë i koncerteve të fundvitit “iHeart Radio Jingle Ball” u detyrua të virtualizohet, dhe adhuruesit anembanë botës u detyruan ta ndjekin këtë ngjarje online.

Por prezenca e adhuruesve në skenë nuk i ndaloi disa prej emrave më të mëdhenj të muzikës, që të bëhen pjesë e koncertit të përvitshëm “Jingle Ball” të organizuar nga “iHeart Radio”, të tillë si: Dua Lipa, Doja Cat, The Weeknd dhe të tjerë.

Ngjarja e cila zgjati plotë një orë e gjysmë, u prezantua nga Ryan Seacrest ndërsa u transmetua live në kanalin CW.

Një ndër performancat më të veçanta të mbrëmjes ishte ajo e pop yllit me prejardhje kosovare, Dua Lipa, e cila e interpretoi këngën e saj shumë të pëlqyer, “Levitating”, nga albumi i fundit i këngëtares “Future Nostalgia”. Lipën në skenë e prezantoi kolegu dhe miku i saj nga Britania e Madhe, Sam Smith, duke thënë: “Është një nderë i veçantë për mua ta prezantoj para jush, performuesen e radhës për sonte. Ajo është e bukura, e mençura, e talentuara dhe mikesha ime e mirë, Dua Lipa”.

Derisa “Levitating” është një këngë ritmike e inspiruar nga muzika disco e viteve 70’ dhe 80’, Dua Lipa këtë radhë kishte zgjedhur ta performojë një version ndryshe të saj, duke interpretuar në skena e shoqëruar vetëm nga një piano dhe dy këngëtare përcjellëse, dhe së bashku e sollën hitin e shumëpëlqyer nga publiku në formë balade.

Lipa dukej mahnitëse e veshur me një fund të shkurtër dhe bluzë verore ngjyrë rozë, të markës së njohur të modës “Miu Miu”, flokët i mbante të lëshuara dhe të valëzuara derisa grimi i saj shkëlqente, duke u përshtatur mirë me temën e festave të fundvitit.

Gjatë mbrëmjes bukuroshja kosovaro-britanike i interpretoi edhe dy këngë të tjera, “Don’t Start Noë” dhe hitin klasik të muzikantit John Lennon, “Happy Christmas (War Is Over)”, për të cilin interpretim u ndihmua edhe nga disa prej adhuruesve të saj më të mëdhenj, që iu bashkëngjitën performancës së Duas në formë virtuale.

Ndër artistët e tjerë që me performancat e tyre i dhanë hijeshi këtij koncerti të përvitshëm, i cili rëndom e sjell atmosferën e festive të fundvitit tek publiku mbarë botëror, ishin yjet: Billie Eilish, Harry Styles, Doja Cat, The Weeknd, Shawn Mendes, Lewis Capaldi dhe Sam Smith.

publicitet
Klikoni për të komentuar

Lini një koment

Adresa juaj email s’do të bëhet publike. Fushat e domosdoshme janë shënuar me një *

op/ed

LIFESTYLE

TECH & AUTO

Lajme të ngjashme