Lidhu me ne

SHËNDETI

Gabimet që shkaktojnë probleme me tretjen

»

: Botuar më

Dhimbja e barkut është një ankesë e zakonshme për shumë njerëz, por që ka një ndikim kryesor në cilësinë e jetës.

Ekspertët e shëndetësisë thonë se sistemi ynë i tretjes përbëhet nga disa pjesë, ku ndodhin procese të ndryshme të tretjes. Lloje të ndryshme të qelizave krijojnë substanca, duke përfshirë enzimat dhe acidet, të cilat udhëzojnë pjesët e tjera të tretjes të kryejnë procesin.

Por ndodh që ne bëjmë disa gabime që janë fatale për tretjen dhe që sjellin probleme me dhimbjet e barkut dhe stomakut.

Ngrënia e vazhdueshme: Ngrënia e herëpashershme sjell një efekt të dëmshëm të sistemit tonë të tretjes, duke vënë stomakun në një presion të madh. Ekspertët thonë se nëse ju konsumoni ushqim herë pas here, stomaku nuk do të jetë në gjendje të prodhojë substancën e acidit në stomak, sepse enzimat dhe qelizat kërkojnë kohë për të prodhuar sasinë e nevojshme të acidit.

Përtypja jo e rregullt: Procesi i përtypjes është i nevojshëm për ta kthyer ushqimin në grimca të vogla. Sipas ekspertëve të Shëndetësisë këshillohet që çdo kafshatë të përtypet të paktën 30 herë, sepse në këtë mënyrë, stomaku do ta kryejë funksionin në mënyrën e duhur.

Stresi: Stresi mund të shkaktojë probleme shëndetësore serioze, duke nisur nga dhimbja e kokës deri te presioni i lartë i gjakut. Por ajo që shfaq më shumë shqetësim është fakti që stresi shkakton fryrje dhe probleme të funksionimit të sistemit të tretjes. Sipas mjekëve, nuk duhet të konsumojmë ushqim kur jemi nën stres.

Mungesa e ushtrimeve fizike: Mungesa e aktiviteteve fizike rrit ndjeshëm problemet e sistemit të tretjes, shpjegojnë mjekët. Sipas tyre, duke lëvizur trupin gjatë ditës, do të stimulohet edhe tretja më e shpejtë e ushqimit, duke mos sjellë rëndime në stomak, apo duke shkaktuar dhimbje barku.

Përdorimi i shpeshtë i antibiotikëve: Antibiotikët janë të nevojshëm në luftën kundër infeksioneve, mirëpo ata mund të ndikojnë edhe në zhdukjen e baktereve “të mira” në zorrë si dhe në pamjaftueshmërinë e prodhimit të laktozës, e nevojshme për procesin e tretjes. Për këtë arsye këshillohet përdorimi i vitaminave të lehta/ATSH.

publicitet
Klikoni për të komentuar

Lini një koment

Adresa juaj email s’do të bëhet publike. Fushat e domosdoshme janë shënuar me një *

op/ed

LIFESTYLE

TECH & AUTO

Lajme të ngjashme