Shkurtimet e buxhetit pengojnë negociatat mes Ramosit e Realit

Negociatat me Sergio Ramosin për një kontratë të re te Real Madridi kanë ngecur për shkak të shkurtimeve buxhetore te gjiganti spanjoll, raporton “AS”.

Ramosit i skadon kontrata në fund të sezonit, dhe “Los Blancos” janë të vendosur t’i ruajnë shërbimet e kapitenit, por pandemia ka goditur financat dhe klubi ka rreth 300 milionë euro më pak në dispozicion.

Në këto kursime përfshihen edhe pagat dhe rinovimet e kontratave, me Realin që shpreson se Ramosi do të jetë shembulli i pranimit të uljes së pagave, për të nisur një epokë të re pas pandemisë.