RAJON

Në Kosovë hyjnë në fuqi masat e reja kundër pandemisë

Në Kosovë të mërkurën kanë hyrë në fuqi masat e reja të kufizimit të vendosura nga autoritetet për të parandaluar përhapjen e koronavirusit të ri. Këto masa, për dy javët e ardhshme ndalojnë qarkullimin e qytetarëve nga ora 22:00 deri në 05:00, përveç në raste urgjente.

Shërbimet e gastronomisë obligohen të pezullojnë aktivitetin e tyre nga data 7 prill deri me datë 18 prill. Ato lejohen të punojnë vetëm me shërbimet “merr me vete”, “dërgesë me porosi” apo marrjes së porosive pa u larguar nga makinat.

Sipas vendimit të Qeverisë së Kosovës, ndalohet veprimtaria e qendrave të mbyllura tregtare, përveç shërbimeve esenciale në kuadër të tyre, siç janë dyqanet ushqimore dhe farmacitë, nga data 7 prill deri më datë 18 prill.

Në qendrat e hapura tregtare lejohet aktiviteti duke i respektuar masat dhe rekomandimet për kontrollin, parandalimin dhe luftimin e pandemisë COVID – 19.

Sipas vendimit të Qeverisë së Kosovës, të gjitha institucionet publike dhe private të arsimit parauniversitar (nga data 12 prill deri me 18 prill), dhe të gjitha institucionet publike dhe private universitare nga data (7 prill deri me datë 18 prill) obligohen që të organizojnë online të gjitha aktivitetet mësimore.

Me masat e reja ndalohen të gjitha grumbullimet me rrezikshmëri të lartë të shpërndarjes së infeksionit, me më shumë se 10 persona, (mbledhjet, seminaret, trajnimet, dasma, ahengje familjare, homazhe, e të ngjashme)./REL

LEXO »  ​Blinken uron Kurtin: Do ta keni përkrahjen e plotë të SHBA-së

Lajme të ngjashme

Maas: Kusht për anëtarësimin e Serbisë në BE është marrëveshja gjithëpërfshirëse me Kosovën

Press Online

Kosnett uron Osmanin për postin e Presidentes

Press Online

Sandër Lleshaj tregon pse mijëra të rinj protestuan kundër tij

Press Online

Bizneset në Kosovë kundër masave të reja, pasojat do të jenë të rënda për ekonominë

Press Online

BE-ja pret nga Qeveria Kurti përkushtim të plotë ndaj dialogut

PressOnline.mk

Hoxhë Fatmir Latifi: Mos na i mbyllni Xhamitë për Ramazan, virusi shërohet edhe me lutje

PressOnline.mk