RAJON

​Blinken uron Kurtin: Do ta keni përkrahjen e plotë të SHBA-së

Sekretari i Shtetit, Antony Blinken, i ka dërguar një letër urimi kryeministrit Albin Kurti, nëpërmjet së cilës e ka përgëzuar atë dhe popullin e Kosovës për zgjedhjet e suksesshme dhe demokratike, të mbajtura më 14 shkurt.

Ai ka shkruar se Shtetet e Bashkuara të Amerikës e kanë mirëpritur formimin e qeverisë së re dhe se presin të punojnë ngushtë për të siguruar, siç ka thënë ai, që Kosova sovrane, e pavarur, shumë-etnike dhe demokratike të zë vendin e saj si partner i barabartë në familjen euro-atlantike.

Sekretari Blinken i ka mirëpritur zotimet e kryeministrit Kurti për luftimin e korrupsionit, fuqizimin e sundimit të ligjit dhe rikuperimin nga pandemia COVID-19, si edhe përpjekjet e tij për realizimin e aspiratave të popullit të Kosovës.

Më tej, në letër ai ka thënë se sigurimi i një marrëveshjeje gjithëpërfshirëse për normalizim me Serbinë, e përqendruar në njohjen e ndërsjellë është thelbësore për Kosovën që të arrijë potencialin e saj të plotë dhe të ecë përpara në rrugën drejt anëtarësimit në BE.

“Do të keni mbështetjen e plotë të Shteteve të Bashkuara të Amerikës në këtë drejtim”, ka thënë Blinken.

LEXO »  Kurti pret në takim ambasadorin e Turqisë, nuk përmendet çështja e ambasadës në Jerusalem

Lajme të ngjashme

Biden inkurajon Vuçiqin për njohjen e Kosovës

Press Online

Ky deputet i Kuvendit të Kosovës ka të kryer vetëm shkollën fillore

PressOnline.mk

Masat ciklonike depërtojnë në drejtim të Ballkanit dhe Evropës Lindore, ja çfarë na pret ditët në vijim

PressOnline.mk

Korrupsioni i nivelit të lartë mban peng liberalizimin e vizave

Press Online

Rama: Brenda 10 ditëve do të vijnë 50 mijë doza të vaksinës “Sputnik”

Press Online

Ushtarët amerikanë mbërrijnë në aeroportin e Rinasit

Press Online