BOTA

Makroni arrin qëllimin, Franca ndalon lutjet në korridoret e universiteve

Senati i Francës të mërkurën e miratoi amandamentimin e një ligji për ndalimin e praktikave fetare për luftimin e atij që është cilësuar si “separatizëm islamik”, duke e shtuar edhe ndalimin e kryerjes së lutjeve në korridoret e objekteve universitare.

Gjatë diskutimit rreth këtij projektligji, republikanët e qendrës së djathtë e propozuan këtë ndryshim për ndalimin e kryerjes së lutjeve në korridore si dhe aktiviteteve tjera fetare që mund t’i pengojnë aktivitetet arsimore.

Ndonëse ndaj këtij propozimi patën ankesa senatorët e Partisë së Majtë dhe ministri i Arsimit, Jean-Michel Blanquer, ndryshimet u miratuan me votat e senatorëve djathtistë, shkruan Anadolu.

Më 16 shkurt të këtij viti, Asambleja Kombëtare e Francës, që është dhoma e ulët e kuvendit, e miratoi këtë projektligj.

Projektligji është propozuar vitin e kaluar nga presidenti francez, Emmanuel Macron, për ta luftuar atë që e ka quajtur “separatizëm islamik”.

Sipas këtij projektligji, autoritetet do të kenë të drejtë që të ndërhyjnë në xhami dhe në shoqata që janë përgjegjëse për administrimin e tyre si dhe për t’i kontrolluar financat e shoqatave dhe organizatave joqeveritare që u përkasin myslimanëve.

Me këtë projektligj kufizohen edhe mundësitë e shkollimit për komunitetin mysliman, sepse u ndalohet familjeve që fëmijët t’i shkollojnë vetëm nga shtëpia.

LEXO »  Pse u fajësua kapitenia e Egjiptit për bllokimin e Kanalit të Suezit?

Lajme të ngjashme

NATO: Nuk e njohim aneksimin e Krimesë nga Rusia, jemi me Ukrainën

PressOnline.mk

U ‘varros’ nga bora pas ortekut/ Vëllai hero gërmon si i çmendur, i shpëton jetën

PressOnline.mk

Shteti i parë në Evropë pa Covid, jeta rifillon normalisht

PressOnline.mk

Sulmuesi i xhamive në Zelandën e Re sfidon statusin e terroristit në gjykatë by

PressOnline.mk

Presidenti i Gjermanisë merr vaksinën AstraZeneca, thotë se është e sigurt

PressOnline.mk

Biden miraton pakon e parë humanitare, ShBA-ja ndihmon me 235 milionë dollarë Palestinën

PressOnline.mk