RAJON

Në Mal të Zi, protestuesit hipin mbi veturën zyrtare ku ishte vajza e kryeministrit

Një ngjarje e pazakontë dhe trishtuese për familjen e kryeministrit të Malit të Zi, Zdravko Krivokapiq, ka ndodhur sot në rrugën Podgoricë – Nikshiq.

Një veturë zyrtare është tentuar të ndalohet nga një grup të rinjsh, e pasi nuk ia dolën dhe vazhdonte të ecte ngadalë, ata hipën mbi të.

Më vonë, kryeministri i këtij vendi, Zdravko Krivokapiq, përmes një postimi në Twitter, tha se si prind nuk do t’i harrojë trishtimin dhe lotët e vajzës, teksa si kryeministër u zotua se këso ngjarje më nuk do të ndodhin.

“Sot është sulmuar një veturë zyrtare ku ishte vajza ime, përndryshe figurë e mbrojtur. Në këtë vend do të ketë rend dhe ligj me të cilat nuk jeni mësuar. Së shpejti do ta shihni”, ka shkruar Krivokapiq në Twitter.

Sipas gazetës “Vijesti”, dy persona janë lënduar lehtë në këtë “protestë”. Po ashtu është raportuar se policia në Nikshiq ka incizuar gjithë ngjarjen dhe ka identifikuar personat që shkelën rendin dhe ligjin.

Para Qeverisë, për sot është paralajmëruar edhe një protestë.

Së fundi, situata në Mal të Zi është tensionuar pasi ministri i Drejtësisë, Vladimir Leposaviq, ka thënë se nuk e gjenocidin në Srebrenicë. Kjo ka ngjallur reagimin e shumë qytetarëve, ndërkohë që kryeministri Krivokapiq ka kërkuar dorëheqjen e tij. Pasi nuk e ka marrë atë, ka iniciuar procedurën për shkarkimin e tij në Kuvend.

LEXO »  Padia ndaj Serbisë për gjenocid në GJND apo në GJPN?

Lajme të ngjashme

Biznesmeni turk i kërkuar në Turqi gjeti strehim në Kosovë

PressOnline.mk

Mijëra kosovarë ia mësyjnë Shqipërisë në mes të pandemisë

PressOnline.mk

Vaksinat kineze, mollë sherri mes Ramës dhe Kurtit

PressOnline.mk

Teknologjia e turizmi në Kosovë, në shënjestër të investitorëve izraelitë

Press Online

Paralajmëron Presidenti Meta: Beteja e 2 marsit nuk ka përfunduar

Press Online

Jo baxhanakun, kosovari rrah vëllain në Mitrovicë

PressOnline.mk