MAQEDONI

S’ka vaksinim të organizuar për mësimdhënësi! Vonesa në fillimin e vitit të ri shkollor?

Mësimdhënësit e arsimit fillor, nga klasa e katërt deri në atë të nëntë dhe ato të arsimit të mesëm nuk do të vaksinohen në grupe të organizuara, ashtu siç ndodhi me mësimdhënësit që zhvillonin orët me prezencë fizike. Ata duhet të paraqiten në mënyrë individuale për vaksinim përmes platformës vakcinacija.mk. Alsat mëson se shkollat janë njoftuar me këtë vendim, ku mes tjerash thuhet se ka vaksina të mjaftueshëm për të gjithë mësimdhënësit.

Alsat drejtoi pyetje në Ministrinë e Arsimit për të mësuar se si do të vijojë vaksinimi i mësimdhënësve dhe nëse paraqitja individuale e tyre mund të ndikojë në fillimin e vitit të ri shkollor me prezencë fizike. Përgjigjja që morëm nga Ministria, pa asnjë sqarim konkret.

Lidhur me procesin e vaksinimit, Ministria e Arsimit është në koordinim me Ministrinë e Shëndetësisë si institucion përgjegjës për realizimin e së njejtës”, thonë nga Ministria e Arsimit.

Ndërkohë, mësimdhënësit kërkojnë që vaksinimi të vazhdojë në formë të organizuar. Rushan Fazliu tha se vetëm në këtë mënyrë mund të bëhet vaksinimi i të gjithë mësimdhënësve dhe viti shkollor të nis me prezencë fizike në shtator.

Ka interesim mjaft të madh prej arsimtarëve që të vaksinohemi të gjithë me atë qëllim që vitin e ardhshëm shkollor të fillojmë me prezencë fizike ashtu siç kemi filluar edhe viteve tjera. Besoj që do të ketë çrregullime pasi që disa arsimtarë nuk do të gjinden përmes ueb faqeve që na rekomandohen. Nëpërmjet shkollës do ta kemi më të lehtë aplikimin për vaksinim. Nuk jemi të detyruar mirëpo me vet dëshirë i gjithë kolektivi presim që të vaksinohemi”, tha Rushan Fazliu, mësues.
Kur bëhet fjalë për mësimdhënësit, tashmë janë vaksinuar dhe rivaksinuar vetëm mësimdhënësit që kanë realizuar procesin mësimor me prezencë fizike. Gjithashtu, janë vaksinuar edhe mësimdhënësit që do t’i mbajnë testet për maturën shtetërore. Megjithatë nuk ka një numër të saktë rreth mësimdhënësve të vaksinuar.

LAJME TË NGJAJSHME

Ministri Bekteshi nesër në ‘Forumin Ekonomik të Shkupit’

Press Online

Kovid 19/ Asnjë humbje jete, 13 raste të reja

Press Online

Shaqiri: Zhvillimi i uebfaqeve të reja dhe të unifikuara drejtë realizimit

Press Online

Komuna e Çairit me aksion për dhurimin e gjakut

Press Online

Ademi realizoi takim online me kolegun e tij portugez Luis Santos

Press Online

Gjykimi kundër Jordan Kamçevit fillon më 16 korrik

Press Online