MAQEDONI

Osmani në ueb-konferencën me Odën Ekonomike të Stambollit

Ministri i Punëve të Jashtme, Bujar Osmani, sot mori pjesë në ueb-konferencën me Odën Ekonomike të Stambollit, në temën: “Mundësitë tregtare dhe investuese me Republikën e Maqedonisë së Veriut”

Në fjalimin e tij shprehu bindjen se bashkëpunimi i deritanishëm i përgjithshëm ekonomik ndërmjet Republikës së Maqedonisë së Veriut dhe Republikës së Turqisë, nuk e ka arritur nivelin e dëshiruar të të dy shteteve dhe theksoi se ekzistojnë shumë mundësi që duhet të shfrytëzohen maksimalisht si në nivel shtetëror, ashtu edhe nga ana e komuniteteve afariste dhe kompanive.

Informoi se Ministria e Punëve të Jashtme përgatiti koncept të ri të diplomacisë ekonomike, me qëllim të krijimit të kushteve për përdorimin e potencialeve ekonomike që Republika e Maqedonisë së Veriut i ka me shtetet e tjera.

“Krijuam koncept të ri të veprimit të planit të jashtëm ekonomik, përmes qasjes ‘tailor made’ me qëllim avancimin e marrëdhënieve ekonomike me vendet e tjera me të cilat ka potencial për tërheqjen e investimeve, rritjen e shkëmbimit tregtar dhe tërheqjen e turistëve. Koncepti nënkupton dërgimin e këshilltarëve ekonomikë pikërisht në ato shtete/rajone” theksoi MPJ Osmani, duke potencuar se Republika e Turqisë, si partner ekonomik i rëndësishëm, është një nga destinacionet e para në të cilën Ministria e Punëve të Jashtme punon dhe do të dërgojë këshilltar ekonomik.

Në ueb-konferencë prezantoi edhe drejtori i Drejtorisë ZZHTI, Jovan Despotovski, i cili i prezantoi konceptin e ri për tërheqjen e investimeve dhe mundësitë e kompanive turke.

“E hapim vendin për të gjithë investitorët që do të sjellin vlerë më të madhe të shtuar, vende pune të qëndrueshme dhe paga më të larta për bashkëqytetarët tanë. Me konceptin e ri të tërheqjes së investimeve vetëm në 5 muajt e fundit arritëm të nxisim interes te mbi 30 kompani ndër të cilat edhe nga Turqia, me të cilët negociuam për investime prej mbi 425 milion euro. Katër kompani turke tashmë po investojnë 15 milion euro që duhet të sjellin mbi 200 vende pune” , tha Despotovski duke shtuar se ajo që na bën dryshe është paketa e re e individualizuar për ndihmë shtetërore, e krijuar mbi analiza të planeve investuese dhe profilit të kompanisë, si dhe sistemi i ri për kujdesin ndaj klientëve, sistem i ashtuquajtur “në një pikë hyrëse” e cila ofron qasje më të thjeshtë deri te shërbimet e kompanive dhe mbështetje të personalizuar.

Me setin e këtillë të masave investuese krijuam politikë të re ekonomike zhvillimore dhe klimë më të volitshme afariste me të cilën do të hapërojmë me investuesit që rriten së bashku me shtetin”, tha Despotovski.

LAJME TË NGJAJSHME

Ministri Bekteshi nesër në ‘Forumin Ekonomik të Shkupit’

Press Online

Kovid 19/ Asnjë humbje jete, 13 raste të reja

Press Online

Shaqiri: Zhvillimi i uebfaqeve të reja dhe të unifikuara drejtë realizimit

Press Online

Komuna e Çairit me aksion për dhurimin e gjakut

Press Online

Ademi realizoi takim online me kolegun e tij portugez Luis Santos

Press Online

Gjykimi kundër Jordan Kamçevit fillon më 16 korrik

Press Online