BOTA

Britania goditet nga një tjetër virus i rrezikshëm, rezultojnë pozitivë dy pacientë (Video)

Dy raste të virusit vd ekjeprurës të “lisë së majmunit” janë konfirmuar në Mbretërinë e Bashkuar. Duke u dhënë dëshmi deputetëve mbi trajtimin e pandemisë së shkaktuar nga Covid-19, Matt Hancock rastësisht njoftoi se po merrej edhe me një ‘shpërthim’ të virusit të rrallë, shkruajnë mediat e huaja.

Sekretari i Shëndetësisë e përshkroi situatën si ‘absolutisht standarde’ dhe këmbënguli se ai merrej me ‘këto lloj shpërthimesh gjatë gjithë kohës’.

Por ai nuk dha detaje për sa pacientë ishin infektuar ose nëse virusi po përhapej në Britani së bashku me coronavirusin.

Veç kësaj, autoritetet e Shëndetit Publik në Uells më vonë konfirmuan se ishin vërejtur ‘dy raste të tilla të importuara’.

Të dy pacientët vinin nga e njëjta shtëpi në Uellsin Verior por nuk u dhanë detaje për moshën ose gjininë e tyre. Vetëm një është duke u trajtuar

Zyrtarët shëndetësorë gjithashtu nuk zbuluan se në cilin vend çifti kishte kapur virusin – por se gjendet kryesisht në Afrikën Qendrore dhe Perëndimore.

Pacientët u infektuan në fillim të majit dhe tashmë ishin vetë-karantinuar për shkak të udhëzimeve të udhëtimit si pasojë e Covid-19.

Sëmundja e rrallë tropikale, e cila shkakton simptoma të ngjashme me gripin dhe flluska në lëkurë, shkaktohet nga një virus i përhapur nga majmunët, minjtë, ketrat dhe gjitarët e tjerë të vegjël.

Ajo mund të përhapet midis njerëzve përmes kontaktit lëkurë në lëkurë, kollës dhe teshtitjeve, si dhe duke prekur çdo rrobë ose shtrat të ndotur.

Transmetimi nga njeriu në njeri është i pazakontë, dhe virusi nuk përhapet aq lehtë sa coronavirusi.

LEXO »  Franca lehtëson masat, hapen lokalet dhe hapësirat kulturore

LAJME TË NGJAJSHME

Biden: NATO është “jetësore” për të ruajtur sigurinë amerikane

PressOnline.mk

Zvicra nuk e voton ligjin e ri të klimës për të ndihmuar në uljen e emetimeve të karbonit

Press Online

Putin: Marrëdhëniet me SHBA-në në nivel më të keq në vitet e fundit

Press Online

“Mami, kam frikë”! Nëna var vajzën nga ballkoni si ndëshkim, 3 vjecarja bie dhe ndërron jetë!

PressOnline.mk

Gruaja që lindi 10 foshnje radhazi, thyen rekordin botëror Guinness

PressOnline.mk

Shpërthen Covid-19 në hotelin e stafit të Angela Merkel

PressOnline.mk