BOTA

Çifti që tronditi rrjetin: Është dita e 3-të pasi kemi vrarë dikë

Një video e publikuar nga autoritetet e Las Vegasit , me protagonist një 18 vjeçar dhe të dashurën e tij 16 vjeçare, të cilët akuzohen për vrasjen e babait të kësaj të fundit dhe përpjekjen për të copëtuar trupin e tij, ka shkaktuar neveri.

Video e zbuluar nga policia tregon dy fëmijët e vegjël, Aaron Guerrero dhe Sierra Halseth , duke qeshur dhe duke bërë shaka për një vrasje që ata kryen.

Sipas New York Post , video u xhirua ndërsa çifti ishte ende duke u fshehur nga autoritetet, tre ditë pas vrasjes së Daniel Halseth në shtëpinë e tij prillin e kaluar.

“Mirësevini në kanalin tonë në YouTube, është dita e tretë që kur kemi vrarë dikë”, dëgjohet të thotë 18-vjeçari në fillim të videos tronditëse, ndërsa ai dhe e dashura e tij tregojnë tre gishta.

“Mos e thuaj këtë para kamerës” shprehet Halseth, e cila duket se po argëtohet me guximin e të dashurit të saj.

”Ia vlente ” shton ai dhe e ledhaton atë me butësi, para se të dy të shpërthenin në të qeshura.

Në video, dy adoleshentët shihen të shtrirë në krevat.

Në një moment, i riu bën shaka sikur po e mbyt vajzën, pastaj vijnë edhe më shumë të qeshura dhe ledhatime.

Skena është e tmerrshme nëse dikush mendon se këta dy fëmijë të vegjël dyshohet se kanë kryer disa ditë para vrasjes së babait të vajzës, i cili ishte kundër lidhjes së tyre.

Sipas Daily Mail , policia arrestoi adoleshentët në Salt Lake , Utah , gjashtë ditë pasi trupi i djegur i Daniel Halchet u gjet në rrënojat e shtëpisë së tij.

Policia beson se të dashuruarit adoleshentë vunë flakën për të fshirë gjurmët e tyre pas vrasjes, pasi më parë ishin përpjekur të copëtonin trupin e 45-vjeçarit me një sharrë elektrike me zinxhir dhe një sharrë rrethore.

Nuk është e qartë nëse dy fëmijët e vegjël e kanë ngarkuar ndonjëherë videon në mediat sociale ose nëse ajo thjesht është gjetur në celularët e tyre.

Sipas KVVU-TV , nëna e Guerrero u tha autoriteteve se djali i saj dhe Sierra Halchet ishin në takim nga qershori deri në dhjetor të vitit të kaluar.

Por këtë vit prindërit e tyre vendosën të ndalojnë dy fëmijët të takohen, sepse ata mësuan se po planifikonin të iknin së bashku dhe të shkonin në Los Angeles.

Provat kundër dy të rinjve janë të qarta pasi, përveç rrëfimit të tyre rrënqethës në video, ka materiale nga kamerat e sigurisë së dyqanit që i tregon ata duke blerë sharra, doreza dhe zbardhues të gjetur në shtëpinë e të vrarit.

LAJME TË NGJAJSHME

SHBA mund të ngadalësojë procesin e largimit nga Afganistani

Press Online

Putin: Jemi gati për bashkëpunim të ndershëm me Evropën

Press Online

Italia heq maskat në fund të qershorit

Press Online

Presidenti i Filipineve: Vaksinohuni ose do të përballeni me burg

Press Online

Mbyllen 200 tempuj fetarë në Indi, shkak përhapja e koronavirusit

Press Online

OKB: Mbi 19,000 fëmijë, viktima të dhunës në zonat e konfliktit

Press Online