BOTA

Putin: Marrëdhëniet me SHBA-në në nivel më të keq në vitet e fundit

Presidenti i Rusisë, Vladimir Putin, ka deklaruar se marrëdhëniet mes Shteteve të Bashkuara të Amerikës dhe Rusisë janë aktualisht në nivelin më të ulët.

Putini ka folur për NBC News në prag të takimit të tij me homologun amerikan, Joe Biden, që do të zhvillohet në Gjenevë të Zvicrës, më 16 qershor.

“Marrëdhënia jonë bilaterale është përkeqësuar duke shkuar deri në pikën më të ulët në vitet e fundit”, ka deklaruar Putini gjatë intervistës.

Putini ishte çmuar nga ish-presidenti amerikan Donald Trump, si një “individ i jashtëzakonshëm dhe i talentuar”, ndërkohë që ka deklaruar se, presidenti aktual, Joe Biden, si një politikan i karrierës, është “krejtësisht ndryshe” nga Trumpi.

I pyetur lidhur me deklaratën e Bidenit i cili e kishte quajtur Putinin “vrasës”, ky i fundit ka deklaruar se ka dëgjuar akuza të tilla me dhjetëra herë.

Ndërkohë, në hapjen e vizitës së tij të parë në Evropë si president i ri i SHBA-së, Joe Bideni ka deklaruar se do t’ia bëjë të qartë Rusisë se Amerika qëndron përkrah aleatëve të saj evropianë kur bëhet fjalë për mbrojtjen e vlerave të demokracisë.

Bideni ka deklaruar po ashtu se nuk është duke kërkuar konflikte me Rusinë.

“Ne duam marrëdhënie stabile me Rusinë, por unë kam qenë i qartë: Shtetet e Bashkuara do të përgjigjen në një mënyrë të fuqishme dhe kuptimplote nëse qeveria ruse angazhohet në veprimtari të dëmshme”, ka thënë Bideni.

LAJME TË NGJAJSHME

Vetëm 1.39 % e afrikanëve janë vaksinuar plotësisht kundër COVID-19

Press Online

Varroset presidenti i vrarë i Haitit

Press Online

Rusia vërshohet nga shiu, dëmtohet një urë hekurudhore

Press Online

Qatar Airways, kompania ajrore më e mirë për vitin 2021

Press Online

Nigeria shpëton 100 nëna e fëmijë që ishin kidnapuar

Press Online

Kolonët izraelitë përplasen me palestinezët në Al-Aqsa

Press Online