RAJON

Lajçak: Takim i vështirë; i radhës do të mbahet në shtator

Përfaqësuesi i posaçëm i Bashkimit Evropian në dialogun Kosovë-Serbi, Mirosllav Lajçak, tha se atmosfera në takimin e së hënës midis kryeministrit të Kosovës, Albin Kurti, dhe presidentit të Serbisë, Aleksandar Vuçiq, ishte “e tensionuar”.

“Takimi ishte i vështirë dhe tregoi qasje shumë të ndryshme ndaj normalizimit të marrëdhënieve midis Kosovës dhe Serbisë. Për pasojë, sot kemi bërë shumë pak përparim. Janë diskutuar disa propozime konkrete, por rezultati i vetëm që mund të raportoj sot është se dialogu do të vazhdojë”, tha Lajçak pas takimit.

Ai konfirmoi se ekipet negociuese do të takohen në fund të gushtit dhe se takimi i ardhshëm i udhëheqësve të Kosovës dhe Serbisë do të mbahet në shtator.

Kryeministri i Kosovës, Kurti, tha pas takimit se ai ka propozuar një deklaratë të paqes midis Kosovës dhe Serbisë, por, sipas tij, ajo u refuzua “ende pa u lexuar”.

“Për mua kjo tregon mosgatishmërinë për marrëveshje, meqenëse u refuzua pa u lexuar fare”, tha Kurti.

Vuçiq, në anën tjetër, tha se pala kosovare gjithmonë kushtëzon me “kritere të reja politike”.

Takimi i sotëm ishte i dyti midis Kurtit dhe Vuçiqit, në kuadër të dialogut për normalizimin e marrëdhënieve Kosovë-Serbi.

Dy zyrtarët e lartë janë takuar për herë të parë muajin e kaluar, por as atëherë nuk është raportuar për ndonjë përparim.

LAJME TË NGJAJSHME

Dy shtete ofrojnë garanci për lirimin e Hashim Thaçit nga paraburgimi

Press Online

Pikturë murale në Beograd për Mladiqin

Press Online

Vllasi: Edhe pse dialogu po zhvillohet në Bruksel, roli i SHBA-së do të jetë vendimtar

Press Online

Serwer: Është koha që Washingtoni t’i tregojë Serbisë se NATO do t’i mbrojë fqinjët nga Beogradi

Press Online

Kosovë, besimtarët myslimanë falin Kurban Bajramin

Press Online

Tiranë, mijëra besimtarë myslimanë festuan Kurban Bajramin

Press Online