Press Online
MAQEDONI

ASH: Pushteti rrezikon Bërvenicën, ne u tërhoqëm nga Kërçova dhe Çashka

Aleanca për Shqiptarët dhe Alternativa duke u munduar që ta fuqizojë votën shqiptare, si koalicion që mbron interesat shqiptare ka vendosur që të tërhiqet nga gara në komunat ku rrezikohet përçarja e votës. Kështu duke marrë parasysh rrethanat specifike të komunës së Kërçovës kemi vendosur që të tërheqim kandidatin tonë nga gara në këtë komunë.

Gjithashtu, duke parë mundësinë që komuna e Çashkës për herë të parë të udhëhiqet nga një shqiptar, ne si koalicion vendosëm që të mos garojmë me kandidat në Çashkë dhe të përkrahim kandidatin e vetëm shqiptar edhe pse ai vjen nga radhët e oponentëve tanë politikë.

Por, përderisa ne kujdesemi për fatin e Kërçovës dhe Çashkës, njëherit shprehim shqetësimin për rrezikun që i kanoset një komune tjetër, asaj të Bërvenicës.

Në zgjedhjet lokale të vitit 2017 në Bërvenicë pati disa kandidatë shqiptarë dhe me qëllim që të mos përçajë edhe më tej votën, Aleanca për Shqiptarët vendosi që të mos kandidojë për kryetar komune. Në po ato zgjedhje, në listat për këshilltarë, Aleanca doli parti e parë shqiptare.

Në zgjedhjet e vitit 2020, opozita Aleanca-Alternativa përsëri fitoi bindshëm në Bërvenicë, me një dallim të madh nga BDI e cila doli e dyta.

Në disa cikle zgjedhore Aleanca dëshmohet si parti më e fuqishme në Bërvenicë dhe e tillë është edhe kësaj radhe.

Në këtë komunë problematik paraqitet fakti që përveç kandidatit të opozitës shqiptare, në garë janë edhe katër kandidatë tjerë shqiptarë nga radhët e pushtetit. Duke përçarë votën, ekziston mundësia që në rrethin e dytë të shkojnë vetëm kandidatët e VMRO-së dhe SDSM-së.

Për këtë shkak dhe me qëllim të ruajtjes së Bërvenicës, apelojmë tek partitë e pushtetit të tërheqin kandidatët e tyre, në të njëjtën mënyrë siç kemi bërë ne si koalicion në Kërçovë dhe Çashkë.

Lajme të ngjashme

ASH-AAA fushatën e fillojnë nga sheshin “Skënderbeu” në Shkup

Press Online

Ahmeti: Regjistrimi vazhdon deri më 30 shtator, ju lus të gjithëve që të regjistroheni

Press Online

PDSH: “Me të zotët ka shpresë”

Press Online

UNIONI I KOMUNAVE TURKE NË BOTË në Studeniçan, Sadiki: Bashkëpunimi ynë ka dhënë rezultatet, vazhdon edhe në të ardhmen

Press Online

Regjistrimi i popullsisë, informatë e rëndësishme për banorët e Çairit

Press Online

Afrim Gashi për Bekim Salin: Jam i bindur se Çairin do ta bëj një vend shumë më të mirë për të jetuar

Press Online

Ju nuk mund të kopjoni përmbajtjen e kësaj faqe