Press Online
GLOBI

Kryeministrja e Suedisë dorëhiqet disa orë pasi u zgjodh

Kryeministrja e zgjedhur në Suedi, Magdalena Andersson dha dorëheqje disa orë pasi u zgjodh nga Parlamenti, pasi buxheti i saj dështoi të kalojë dhe Partia e të Gjelbërve e la koalicionin qeveritar.

“Është një praktikë kushtetuese që një qeveri me koalicion duhet të japë dorëheqje kur njëra parti heq dorë”, tha Andersson.

Ajo tha se nuk dëshiron të udhëheq “një qeveri, legjitimiteti i të cilës do të vihet në pikëpyetje”.

Andersson tha se shpreson që do të zgjidhet në këtë pozitë sërish së shpejti si udhëheqëse një qeverie të pakicës me në krye Social Demokratët

Andersson të mërkurën (24 nëntor) u bë gruaja e parë e zgjedhur në pozitën e kryeministres në Suedi pasi arriti një marrëveshje në minutin e fundit për të rritur pensionet në këmbim të mbështetjes në votimin e së mërkurës.

Por Partia e vogël e Qendrës më vonë tërhoqi mbështetjen e saj për buxhetin e Andersson, për shkak të konsesioneve të bëra në të majtë, duke lënë buxhetin e saj me vota të pamjaftueshme në Parlament.

Kryetari i Parlamentit, Andreas Norlen tha se ka pranuar dorëheqjen e Andersonit dhe do të kontaktojë udhëheqësit e partive para se të vendosin të enjten (25 nëntor) se si do të vazhdojnë.

Lajme të ngjashme

Stoltenberg: Një tjetër pushtim rus i Ukrainës do të kishte një “çmim të lartë”

Press Online

Kriza me lirën shihet si mundësi për të sfiduar Erdoganin

Press Online

Kina thotë se 85% e qytetarëve të saj do të flasin gjuhën mandarine deri më 2025

Press Online

Nigeria konfirmon rastet e para të variantit Omicron

Press Online

OBSH: Varianti Omicron i COVID-19 paraqet rrezik shumë të lartë global

Press Online

Talibanët kërkojnë ndihmën e BE-së për aeroportet afgane

Press Online