Press Online
GLOBI

Franca dhe KE-ja me qëllime të përbashkëta për Ballkanin Perëndimor

Presidenti i Francës, Emmanuel Macron, është shprehur se shteti i tij gjatë kryesimit të Presidencës se “blloku evropian do të punojë së bashku me Komisionin Evropian edhe në rajonin e Ballkanit Perëndimor”.

Macron këto i tha gjatë një konference të përbashkët për media me presidenten e Komisionit Evropian, Ursula von der Leyen.

Ndërsa, presidentja e KE-së, Ursula von der Leyen theksoi se e mirëpret faktin që Franca, si një shtet me peshë të madhe politike dhe me përvojë ka marrë kryesimin e Presidencës.

Ndërsa shtoi se institucioni që ajo udhëheqë, do të jetë në dispozicion për të bashkëpunuar në realizimin e pritoriteve të përbashkëta të BE-së.

Macron dhe von der Leyen folën për gazetarët pas takimit të parë të punës që pati kolegji i Komisionarëve të BE-së me Qeverinë franceze, si kryesuese e radhës së BE-së.

Presidenti i Francës, Emmanuel Macron dhe presidentja e Komisionit Evropian, Ursula von der Leyen.

Nga 1 janari i 2022, Franca ka marrë kryesimin e radhës të Këshillit të Bashkimit Evropian që do të zgjasë deri në fund të muajit qershor.

Ndërsa, janë bërë të ditur një varg prioritetesh që ka caktuar Franca si tema para se t’ia dorëzojë Çekisë kryesimin e radhës për pjesën e dytë.

Franca ka paralajmëruar se kujdes i shtuar do t’i kushtohet Ballkanit Perëndimor, përveç temave që kanë të bëjnë me forcimin e autonomisë strategjike të BE-së, rritjes së kapaciteteve mbrojtëse, reformën e zonës së Shengenit, zbatimin e qëllimeve për mbrojtjen e mjedisit, energjinë e tema tjera.

Diplomatët kanë specifikuar dy probleme kryesore, njëra për krizën aktuale politike në Bosnje e Hercegovinë dhe tjetra raportet ndërmjet Kosovës dhe Serbisë, për të cilat po zhvillohet dialogu në Bruksel i lehtësuar nga Bashkimi Evropian. /Albanianpost

Lajme të ngjashme

Qetësi dhe ankth në rrugët e kryeqytetit të Ukrainës

News Desk

Ura e Pitsburgut shembet disa orë përpara se Joe Biden të mbërrinte në infrastrukturë

News Desk

Presidentit rus Vladimir Putin i është kërkuar që të “de-përshkallëzojë” ngritjen ushtarake në kufirin me Ukrainën

News Desk

Bundestagu miraton buxhetin miliarda eurosh për mbrojtjen e klimës dhe dixhitalizimin

News Desk

Kriza në Ukrainë – SHBA thërret Këshillin e Sigurimit

News Desk

Po të kishin të gjithë dozën e tretë në BE, s’do të kishte kaq shumë raste

News Desk