Press Online
RAJON

Krasniqi: Mbajtja e referendumit të Serbisë në Kosovë është antikushtetuese

Kryetari i PDK-së, Memli Krasniqi, thotë se mbajtja e referendumit të Serbisë në Kosovë është antikushtetuese. Krasniqi nu shpeh se mbajtja e referendumit do të përbënte shkelje flagrante të sovranitetit të Kosovës.

“Partia Demokratike e Kosovës konsideron se mbajtja e referendumit të Serbisë në Kosovë është antikushtetuese dhe kjo do të përbënte shkelje flagrante të sovranitetit të Republikës së Kosovës. Ka dallim esencial ndërmjet zgjedhjeve dhe referendumit, andaj është i papranueshem lejimi i votimit në Kosovë për referendumin e nje shteti fqinj”, tha Krasniqi për Gazetën Express.
BE-ja dhe shtetet e QUINT-it po kërkojnë nga kryeministri Kurti që të lejojë votimin e serbëve të Kosovës për referendumin që do të mbahet në Serbi të dielën ashtu siç është lejuar në të kaluarën.

Këtë gjë po e kundërshton shefi i qeverisë së Kosovës me arsyetimin se “mbajtja e një referendumi në një shtet sovran i një shtetit tjetër s’është praktikë që pranohet nga asnjë shtet demokratik”.

Qeveria e Kosovës ka bërë të ditur se serbët e Kosovës që kanë shtetësi të dyfishtë mund të votojnë në referendumin e Serbisë përmes dy formave, asaj me postë dhe përmes Zyrës Ndërlidhëse të Serbisë në Kosovë.

Ambasadorët e ShBA-së, Britanisë, Gjermanisë, Francës e Italisë sot i kanë shkuar në zyrë presidentes Vjosa Osmani dhe besohet që tema e takimit do të jetë lejimi i votimit të serbëve të Kosovës për referendumin që do të mbahet në Serbi.

Në presidencë po qëndron edhe kryeministri Albin Kurti.

Qytetarët e Serbisë, më 16 janar, do të deklarohen me “po” apo “jo” për një pyetje: “A jeni për konfirmimin e aktit për ndryshimin e Kushtetutës së Republikës së Serbisë?”.

Ndryshimet kanë të bëjnë me gjyqësorin dhe Serbia është obliguar për to në procesin e anëtarësimit në Bashkimin Evropian. Siç kanë shpjeguar vazhdimisht përfaqësuesit e BE-së, qëllimi i ndryshimit të Kushtetutës së Serbisë është që të arrihet një gjyqësor i pavarur, pa ndikim politik dhe për sundim të ligjit.

Lajme të ngjashme

Tension në Mal të Zi/ Abazoviç përplaset me turmën që e fyeu si “shqiptar” (VIDEO)

Press

Shkrimtari malazez: Koalicioni i Abazoviçit u bë që Mali i Zi të futet në Open Balkan

Press

Vendim përfundimtar: Hyrja në Kosovë vetëm me tri doza të vaksinës

Press

“21 janari, Qeveria e ka shlyer detyrimin – fajtorët e vërtetë vijojnë luftën mes tyre”

News Desk

Priten masa të reja për hyrjen në Kosovë, 3 doza ose 2 doza dhe testin PCR negativ

News Desk

Meta: Po më pret populli i 2 marsit, gati për beteja të vërteta

News Desk