Press Online
RAJON

Shqipëria i bashkohet padisë së Ukrainës kundër Rusisë në ICJ

Shqipëria së bashku me 41 vende të tjera synojnë t’i bashkohen padisë së Ukrainës kundër Federatës Ruse në Gjykatën Ndërkombëtare të Drejtësisë të Kombeve të Bashkuara. Lajmin e ka bërë të ditur presidenti ukrainas Volodymyr Zelensky në Twitter.

“42 shtete morën anën e Ukrainës në çështjen kundër Federatës Ruse në Gjykatën Ndërkombëtare të Drejtësisë dhe shpallën synimin e tyre për t’iu bashkuar padisë sonë”, shkroi kreu i shtetit. Zelensky falënderoi partnerët të cilët, sipas tij, zgjodhën “anën e duhur të historisë”.

“Kjo është ana e së vërtetës, e së drejtës ndërkombëtare dhe e drejtësisë. Së bashku do ta sjellim Federatën Ruse para drejtësisë”, theksoi presidenti ukrainas.

Zelensky krijoi një grup pune për të zhvilluar mekanizma për Rusinë për të kompensuar Ukrainën për dëmin e shkaktuar.

Zëvendës shefi i zyrës së presidentit Andriy Smyrnov u shpreh se negociatat janë duke u zhvilluar për formatin përfundimtar të një Gjykate të Posaçme Penale Ndërkombëtare.

Kjo, për krimet e agresionit rus kundër Ukrainës dhe formimin e një rrethi të shteteve themeluese.

Ministri ukrainas i Drejtësisë, Denis Malyuska shtoi se gjykata për të kërkuar llogari Rusinë për agresionin e armatosur do të formohet në kuadrin e Gjykatës Ndërkombëtare të Drejtësisë, por mund të jetë gjithashtu një strukturë e veçantë.

Sipas tij, krijimi i Tribunalit Ndërkombëtar kërkon një marrëveshje nga shumë vende, e cila duhet të zyrtarizohet me një marrëveshje ndërkombëtare.

“Një marrëveshje e tillë dhe një traktat i tillë ndërkombëtar duhet të marrë mbështetje ndërkombëtare nga organizatat ndërkombëtare. Para së gjithash, sigurisht që merret parasysh Asambleja e Përgjithshme e OKB-së”, nënvizoi Malyuska. /Albanianpost

Lajme të ngjashme

Anëtarësimi i RMV-së dhe Shqipërisë në BE/ Ja kur pritet të mbahet konferenca e parë ndërqeveritare

Press

Edi Rama në NATO: Kosova të ftohet menjëherë në Partneritetin për Paqe

Press

Kurti: Veturave nga Serbia do t’u vendoset ngjitës në targa deri më 31 tetor 2022

Press

‘Harbohet’ Vuçiq: Kosova të mendojë tre herë para 30 shtatorit

Press

Krasniqi pas takimit me Kurtin: PDK ka vite që ka propozuar fillimin e Vetingut

Press

Lajçak: Mbështetja për liberalizimin e vizave për Kosovën kurrë s’ka qenë më e fuqishme

Press