Press Online
KURIOZITETE

Rekord, godet topin 351 herë më kokë për 60 sekonda!

Erik Hernández nga Kuba, vendosi rekord të ri “Guinness”, duke e goditur topin 351 herë me kokë brenda një minute. Ai parakaloi kinezin Gao Chong në këtë specialitet me dhjetë goditje më tepër.

“Kjo do të thotë shumë, sepse është një rekord me shumë pasoja dhe mjaft i vështirë të thyhej me 10 goditje të topit më shumë”, – tha Hernández për ‘EFE’, pasi vendosi rekordin e ri botëror në hotelin “Copacabana” të Havana.

Ish-futbollisti 55-vjeçar shtoi se tani do të bëjë një pushim dhe më pas do të fillojë përgatitjet për të thyer një tjetër rekord, atë prej dhjetë orësh e 9 minutash, duke xhongluar topin vetëm me këmbë.

Hernández, me disa rekorde botërore për zotërimin e topit, grumbulloi 350 goditje me kokë nëntë vite më parë, në të njëjtin vend si të shtunën e kaluar, por nuk u regjistrua nga Libri “Guinness”.

Rezultati i tij i fundit më i mirë ishte më 17 maj 2020, kur kreu stërvitje në shtëpinë e tij dhe regjistroi 188 goditje me kokë të topit brenda 30 sekonda. Kësisoji, ai theu rekordin e mëparshëm që “Guinness” e kishte homologuar më 2011.

Lajme të ngjashme

Ishulli që për 6 muaj është i Francës dhe 6 muaj i Spanjës

Press

Ku shkon për pushime familja mbretërore?

Press

Pse gratë jetojnë më shumë se burrat?

Press

1 mijë e 848 persona në Shqipëri e kanë emrin Ronaldo

Press

Trupi i çdo gruaje është gati për plazh, thotë fushata e qeverisë spanjolle

Press

Pse nuk ju lejohet të buzëqeshni në foton e pasaportës?

Press