Press Online
SPORT

Franca e nis me fitore ndaj Australisë, Giroud bëhet shënuesi më i mirë në histori të kombëtares

Kombëtarja e Francës e ka nisur me fitore rrugëtimin në Kampionatin Botëror 2022. Kampionët në fuqi të botës, Franca, kanë marrë fitore 4:1 në rrugëtimin e tyre për ta mbrojtur epitetin e kampionëve. Testi i parë, Australia, u kalua me sukses, shkruan lajmi.net.

Francezët e panë veten në disavantazh pas 9 minutave lojë, kur Goodwin shënoi për 0:1. Në të njëjtin aksion, Franca mbeti pa Lucas Hernandez, i cili pësoi një lëndim.

Golin e barazimit e gjeti Adrien Rabiot, i asistuar për mrekulli nga Theo Hernandez, kurse në minutën e 32’, Rabiot doli në rolin e asistuesit për Giroud që ta çonte Francën në epërsi 2:1.

Në pjesën e dytë, Franca vazhdoi dominimin. Golin e gjeti edhe Kylian Mbappe, në minutën e 68’ të takimit.

Kurse, Giroud, për të barazuar rekordin e Thierry Henry dhe për t’u bërë golashënuesi më i mirë në histori të kombëtares së Francës, shënoi golin e dytë personal sonte, në minutën e 71’. Me këtë gol, Oli shkoi në kuotën e 51 golave me fanellën e Francës.

Kjo fitore e çon Francën në tri pikë dhe ia jep pozitën e parë. Australia mbetet pa pikë, kurse Danimarka e Tunizia numërojnë nga një pikë. Këto kombëtare luajnë në grupin D.

Lajme të ngjashme

Interi mund të detyrohet që ta shesë lirë Skriniarin në PSG

Press

A mund ta thyejë mallkimin në Botëror, Cristiano Ronaldo

Press

Boksieri shqiptar e nokauton serbin qysh në raundin e parë

Press

FIFA hap procedurë disiplinore kundër Serbisë

Press

“Perandoria e Cristiano Ronaldos” që gjeneron fitime 200 milionë euro në vit

Press

Mbappe homazh për Pele: Lutuni për Mbretin

Press