Луд викенд во фудбалска Европа! ↓↓↓
Франк Лампард се врати во Челзи, откако премиерлигашот го отпушти Грем Потер, па сега легендата на клубот ќе треба да го извлече тимот од кризата.
Лампард ќе остане познат и по тоа што промовираше голем број младинци на Челзи во првиот тим, меѓу кои беа Мејсон Маунт и Рис Џејмс.
Маунт не добива шанса во екипата во последно време, а на последните два натпревари не одигра ниту една минута, иако им беше достапен и на Потер и на Бруно Салтор.
Лампард му верува на Маунт, кој го тренираше и во Дерби и кажа што очекува од него во продолжение од сезоната.
„Мејсон секогаш бил фантастичен фудбалер, кој сум го тренирал во Дерби и Челзи. Знам дека имаше проблеми со повреди, но ќе дознаам сега во каква форма се наоѓа знам дека може да биде важен фудбалер за Челси“, кажа Лампард.