featured

Kонцертите на Тејлор Свифт во Сингапур се претворија во политички скандал

Тејлор Свифт моментално е во средината на серијата од шест распродадени концерти во Сингапур, единствениот град од Југоисточна Азија вклучен во нејзината распродадена светска турнеја „Ерас“.

Ваквиот распоред предизвика контроверзии во регионот, при што Сингапур е обвинет дека ги фрлил парите за да ја спречи Свифт да настапува на други локации. Покрај тоа, соседните земји ваквото однесување на Сингапур го прогласија за „непријателски чин“. Прашањето неочекувано излезе на виделина на самитот на Асоцијацијата на нациите од Југоисточна Азија (АСЕАН)-Австралија во Мелбурн, собир кој обично е повеќе преокупиран со прашањата за безбедноста и економскиот раст.

Нашите агенции се договорија со неа да настапи во Сингапур и во договорот е вклучено дека тоа ќе биде нејзината единствена станица во Југоисточна Азија“, рече премиерот Ли Хсиен Лунг на заедничката прес-конференција со неговиот австралиски колега. „Договорот е постигнат. И се покажа дека е многу успешна зделка. Не го гледам тоа како чин на непријателство кон другите“.Дали таа би настапувала во други азиски градови доколку немаше договор? Можеби да, можеби не“, рече Ли.

Сингапур постојано одбиваше да даде детали за финансиските услови на договорот. Тајландскиот премиер Сретта Тависин минатиот месец изјави дека Сингапур и плаќал на Тејлор Свифт 3 милиони долари по настап, под услов таа да настапува само таму. Раководството на Тејлор Свифт не ја коментираше контроверзната ситуација.

Турнејата „Ерас“ е на пат да стане најпрофитабилната турнеја на сите времиња, што ќе им донесе многу пари на Свифт и Сингапур.