featured

Се огласи и Кадиров – изнесе нови детали за апсењето на осомничените за нападот во Москва

Војници на полкот „Ахмат-Русија“ на Министерството за одбрана на Русија учествувале во апсењето на четворица терористи во областа Брјанск кои директно биле вклучени во убиствата во „Сити Хол Крокус“, изјави лидерот на Чеченија Рамзан Кадиров.

„Војниците на полкот „Ахмат-Русија“ на Министерството за одбрана на Русија, кои се стационирани во областа Брјанск и обезбедуваат заштита на руската државна граница со Украина, заедно со Центарот за специјални намени на ФСБ уапсија четири лица во регионот Брјанск во обид да ја преминат руско-украинската граница кои директно учествувале во убиствата на луѓе во „Crocus City Hall“, напиша Кадиров на социјалните мрежи.

Според неговите информации, чеченските војници пристигнале на локацијата каде што барале терористи околу три часа по полноќ и веднаш почнале да ја пребаруваат областа заедно со Центарот за специјални намени на ФСБ и војници на Ленинградскиот воен округ на руската вооружена сили.

Вечерта на 22 март, група маскирани лица отворија оган во салата Крокус пред почетокот на концертот на Пикник. Подоцна одекнаа експлозии. Најмалку 143 лица загинаа, а се претпоставува дека овој број ќе продолжи да расте. ФСБ на Русија соопшти дека 11 лица, меѓу кои четворица терористи, се приведени во близина на руско-украинската граница.