featured

Зеленски вели дека Молдавија би можела да биде следната цел на руските напади

Украинскиот претседател Володимир Зеленски изјави дека Молдавија би можела да биде следната цел на руските напади, пренесува Sky News.

Тој го изјави ова откако Русија денеска изврши големи напади врз електрани во централна и западна Украина.

Според локалните власти и украинскиот министер за енергетика Герман Гелушенко, нападнати биле енергетски постројки, термо и хидроелектрични централи во областа Камјанск во близина на градот Днепро, како и енергетската инфраструктура во регионите Дњепропетровск, Полтава и Черкаси.

„Терористичката држава Русија сака да ја повтори еколошката катастрофа во регионот Керсон по уништувањето на браната Каховка“, изјави денеска Зеленски.

„Овој пат не е загрозена само Украина, туку и Молдавија“, додаде тој и повторно ги повика западните земји да и помогнат на Украина со испраќање опрема за противвоздушна одбрана, велејќи дека мора да дејствуваат „брзо и решително“.