featured

Клинтон: Изборите во САД може да бидат компромитирани од дезинформации генерирани од вештачката интелигенција

Поранешниот американски државен секретар Хилари Клинтон и американските официјални лица изјавија дека се загрижени дека дезинформациите генерирани и ширени од вештачката интелигенција (АИ) би можеле да ги загрозат претседателските избори во 2024 година.

Поранешниот државен секретар и претседателски кандидат за 2016 година рече дека мисли дека странските актери како рускиот претседател Владимир Путин би можеле да користат вештачка интелигенција за да се мешаат во изборите во САД и во други земји.

„Оној што не е загрижен не обрнува внимание“, рече Хилари Клинтон во четвртокот на Универзитетот Колумбија, каде изборните претставници и технолошките директори разговараа за тоа како вештачката интелигенција може да влијае на изборите во САД во 2024 година.

Клинтон рече дека Путин се обидел да ја поткопа пред изборите во 2016 година со ширење дезинформации на Фејсбук, Твитер и Снепчет за „сите ужасни работи“ што таа наводно ги правела.
.
„Мислам дека никој од нас не го разбра тоа“, истакна таа. Клинтон рече дека не го разбира тоа, а не го разбираат ниту луѓето во нејзината кампања. „Таканаречената темна мрежа беше исполнета со овие мемиња и приказни и видеа од секаков вид што ме прикажуваа повеќе од пеколно“, рече таа.

Клинтон нагласи дека тоа што и го направиле е примитивно, а она за што сега се зборува е скок во технологијата.