featured

Путин: Раката на Русија ќе допре до сите нарачатели на терористичкиот напад во „Крокус“

Раката на Русија ќе допре до сите нарачатели на терористичкиот напад во „Крокус“

Претседателот на Русија нареди зајакнување на безбедносните мерки на јавните места и регионите во близина на фронтот и уште еднаш нагласи дека ќе бидат пронајдени сите кои биле инволвирани во терористичкиот напад во Москва.

„За нас е важно да ги утврдиме не само директните извршители, туку и сите алки, криминални синџири на оние кои имаат корист од тоа злосторство. Сигурно ќе дојдеме до нив“, рече рускиот лидер на продолжениот состанок на колегиумот на МВР.

Русија плати многу висока цена за терористичкиот напад во „Crocus City Hall“, а анализата за состојбата на работата на безбедносните органи мора да биде крајно објективна и професионална, посочи Путин.

„Важно е, пред сè, да се подигне безбедноста на ново ниво – на спортски објекти, транспортни и трговски и забавни центри, училишта, болници, универзитети, театри и така натаму“, рече рускиот лидер.

Во исто време, тој рече дека не треба да се дозволи неодамнешните трагични настани во „Crocus City Hall“ да предизвикаат зголемување на ксенофобијата и исламофобијата.

Путин го повика и Министерството за внатрешни работи да внимава на акциите за неутрализирање на организираниот криминал.