featured

Зимбабве прогласи национална катастрофа поради суша: Се заканува глад

Претседателот на Зимбабве, Емерсон Мнангагва, денеска ја прогласи сушата во земјата за национална катастрофа и рече дека и се потребни повеќе од 2 милијарди долари помош за да се прехранат милиони луѓе кои се соочуваат со глад.

Објавата на Мнангагва уследи по слични најави на Зимбабве кон крајот на февруари и Малави во март, бидејќи сушата предизвикана од Ел Нињо води до хуманитарна криза во јужна Африка, објави Ројтерс.

Повеќе од 2,7 милиони луѓе во Зимбабве ќе се соочат со глад оваа година, изјави Мнангагва за новинарите, додавајќи дека 80 отсто од земјата е погодена од суша.

„Прелиминарните проценки покажуваат дека на Зимбабве му требаат повеќе од две милијарди долари за различните интервенции што ги предвидуваме во националниот одговор (на кризата)“, рече Мнангагва.

Посочи дека Владата ќе даде приоритет на зимските култури за зголемување на резервите и ќе работи со приватниот сектор за увоз на жито.

Во повеќето провинции во Зимбабве, ноемврискиот род не успеа, а во потоплите области пченката воопшто не даваше.