featured

Студија: Дебелите деца имаат поголем ризик од развој на мултиплекс склероза

Дебелите деца може да бидат изложени на поголем ризик да им биде дијагностицирана мултиплекс склероза во раната возраст, сугерира новата студија. Ризикот од дијагностицирање на мултиплекс склероза (МС) се чини дека е двојно поголем кај дебели деца во споредба со оние кои не се, според една шведска студија.

Академици од Институтот Каролинска во Стокхолм ги анализираа податоците од шведскиот регистар за третман на дебелина кај децата. Базата на податоци, позната како Борис, е еден од најголемите светски регистри за третман на детска дебелина.

Истражувачкиот тим ги прегледал податоците за деца на возраст меѓу две и 19 години кои биле регистрирани во регистарот помеѓу 1995 и 2020 година и ги споредил нивните податоци со децата од општата популација. Нивната студија опфати податоци за повеќе од 21.600 дебели деца кои започнале со третман за дебелина на просечна возраст од 11 години и повеќе од 100.000 деца кои не се дебели.

Децата вклучени во студијата, која треба да биде претставена на Европскиот конгрес за дебелина во мај во Венеција, биле следени во просек по шест години. Просечната возраст на дијагнозата на МС беше околу 23 години.

„Еден од ефектите на дебелината кај децата е тоа што предизвикува благо, но хронично воспаление, а ова воспаление го зголемува ризикот од развој на неколку болести како мултиплекс склероза“, велат авторите на студијата, професорката Емилија Хагман и професорот Клод Маркус.

Во текот на периодот на следење, мултиплекс склероза била дијагностицирана кај 28 дебели луѓе, што е 0,13 проценти од групата и кај 58 лица кои не се дебели, што е 0,06 проценти од групата.