8
Посетителите на забавен парк во Мексико останаа да висат речиси 61 метар во воздух поради страшен инцидент кој за малку ќе ги чинеше живот.
Имено, според локалните медиуми, посетителите кои биле на рингишпилот за време на невреме кое ненадејно се спуштило во градот, биле принудени да останат да висат во воздух, откако вработените во забавниот парк го исклучиле возењето поради лошото време.
Како што покажува снимката, заглавените посетители останаа да висат додека околу нив се спушти темнина, дожд и ветер. Наведено е дека дури 32 лица останале заглавени на возењето кое нормално се движи со брзина од околу 64 километри на час.
-Почна да врне и останавме заглавени на небото, додека на сајтот на Луна Парк беше наведено дека возењето трае само 2 минути, се слуша глас кој вели на видеото.
Не е јасно колку време поминале во воздух, висејќи од таа неверојатна висина, но од забавниот парк велат дека посетителите биле спасени набргу по снимањето на видеото и дека нема повредени учесници.
Ужаснати гледачи
Видеата од пеколното возење станаа вирални на социјалните мрежи набргу по драмата, при што повеќето корисници се согласија дека тоа е „возење на панаѓур од кошмари“, додека имаше и такви кои се согласија дека самото возење е застрашувачко.
– Тоа возење ме преплаши. Чувствувам дека сигурносниот синџир е само една тенка нишка која лесно може да се скине, напишал еден корисник под видеото.