Објект денеска влегол во полскиот воздушен простор за време на рускиот напад врз Украина и најверојатно слетал на територијата на Полска, јави полската државна новинска агенција ПАП, повикувајќи се на оперативната команда на полската армија.
Агенцијата наведува дека во тек е потрагата по објектот, кој, како што се посочува, не е проектил.
„За време на масовниот напад во понеделникот на украинска територија, објект најверојатно слетал на територијата на Полска“, изјави оперативниот командант на полските вооружени сили, генерал Мачеј Клис. Според него, објектот бил откриен од најмалку три радарски станици.
Полска, членка на НАТО, се граничи со Украина и го поддржува Киев од почетокот на руската инвазија во февруари 2022 година.