24
Анџелина Џоли доби овации по премиерата на нејзиниот нов филм „Марија“ во кој ја игра легендарната оперска дива Марија Калас. Актерката не можеше да ги сокрие солзите поради приемот на најновото биографско дело на режисерот Пабло Лареин и улогата за која многу критичари и предвидуваат барем трка за Оскар, пишува Variety.
Последен пат актерката беше номинирана во 2009 година за главната улога во филмот „The Changeling“ на Клинт Иствуд, а досега освои само една награда од Американската академија за филмски уметности и науки, за најдобра споредна женска улога во 2000 година за „Girl, Interrupted“.
Netflix ги купи правата за стриминг на „Марија“ и би требало да биде достапен во наредните месеци.
Лараин, истражувајќи ги животите на познатите жени со трагични приказни, стана редовен посетител на Венеција.
Со портретот на Џеки Кенеди и филмот „Џеки“ со Натали Портман во главната улога, тој присуствуваше на фестивалот во 2016 година. Со Кристен Стјуарт во улогата на принцезата Дијана и биографскиот филм „Спенсер“, тој се врати во Венеција во 2021 година. И двата филма беа номинирани за Оскар за најдобра женска улога.
„Марија“ е таканаречениот заклучок од трилогијата на овие историски жени.
Во текот на својот краток живот, со својот неспоредлив глас и сценско присуство, Марија Калас стана една од најголемите оперски пејачки на сите времиња.
„Когаги ставив наочарите и нејзината грчка коса, се чувствував како Марија која светот не ја познаваше и се поврзав со неа“, рече Џоли на прес-конференцијата одржана пред премиерата.
Таа тренираше шест месеци за да се подготви за улогата, а со пеењето и глумата ги спои „вистинските работи“.
„Ова е најтешкото нешто што сум го направила, бев преплашена“, изјавила актерката.
Ова е големо враќање во центарот на вниманието за Џоли и нејзината прва голема главна улога по 15 години.
Затоа голем број нејзини обожаватели и покрај високите температури во Венеција се собраа пред киното и трпеливо ја чекаа ѕвездата речиси 24 часа за премиерата на филмот. Кога пристигнала Џоли, се фотографирала со нив и давала автограми.