Пет дена откако колабираше на сред меч во Копа Либертадорес, уругвајскиот фудбалер Хуан Изгиердо почина во болница на само 27 години. Беше дел од уругвајскиот Национал, а се сруши на мечот против Сао Паоло во Копа Либертадорес.
Уругвајскиот клуб се прости од него на социјалните мрежи.
„Со најдлабока болка во срцето, шокирани сме од смртта на саканиот играч Хуан Изкиердо. Нашето сочувство до неговото семејство, пријателите, колегите и најблиските. Национал жали за непоправлива загуба. Хуан, засекогаш ќе бидеш со нас – напишаа на официјалниот профил.
Con el más profundo dolor e impacto en nuestros corazones, el Club Nacional de Football comunica el fallecimiento de nuestro querido jugador Juan Izquierdo.
Expresamos nuestras más sinceras condolencias a su familia, amigos, colegas y allegados.
Todo Nacional está de luto por… pic.twitter.com/mYU28mqw6m
— Nacional (@Nacional) August 28, 2024
Фудбалерот колабираше во 84. минута од натпреварот. Сите на теренот беа во неверување, а играчот веднаш беше пренесен во болница. Сепак, од таму доаѓаа охрабрувачки вести. Тие рекоа дека станува збор само за помал срцев удар и дека добро се опоравува. Лекарите кажаа дека има големи шанси да се опорави и да се врати во нормала, но пет дена потоа починал.