Претседателството на германската владејачка партија, Зелените, во средата поднесе заеднички оставки, наведувајќи ги неуспесите на покраинските избори во септември како причина за потегот.
„Дојдовме до заклучок дека е потребен нов почеток“, рече потпретседателот на Партијата на зелените Омид Нурипур во партискиот центар во Берлин.
Втората потпретседателка на партијата Рикарда Ланг поднесе оставка како и целото претседателство на партијата.
Со овој потег, како што пренесуваат германските медиуми, претседателството на партијата ги повлекува последиците од лошите изборни резултати во источногерманските сојузни покраини Саксонија, Тирингија и Бранденбург.
Не го поминаа изборниот праг
Во Тирингија и Бранденбург партијата чие полно име се вика Зелени/Савез90 не го помина изборниот праг, а во Саксонија со 5,1 отсто го постигнаа својот најслаб резултат во оваа сојузна држава досега.
Аналитичарите оценуваат дека гласачите ја отфрлаат зелената политика на инсистирање на енергетска трансформација, како и партијата која се противи на ограничување на бегалскиот проток.
Новото претседателство на партијата треба да се избере на партиската конвенција во ноември.
Од крајот на 2021 година, Зелените, заедно со социјалдемократите и либералите, станаа помал партнер во федералната влада на Олаф Шолц.
Сојузната влада во моментов бележи ниски вредности во анкетите за популарност, а медиумите со денови шпекулираат за прераниот колапс на коалицијата поради постојаните кавги меѓу коалициските партнери, пред се Зелените и либералите.