Командантот на воздухопловните сили на Хезболах, Мухамед Хусеин Сароур е убиен во израелски воздушен напад во либанскиот главен град Бејрут, потврдија денеска израелските вооружени сили (ИДФ).
Според соопштението на израелската армија, Сароур раководел и командувал со бројни воздушни напади против Израел, вклучувајќи ги и оние извршени со беспилотни летала со експлозиви и крстаречки ракети, пишува Тајмс оф Израел.
The IDF has officially confirmed the liquidation of Hezbollah air force commander Mohammad Hasin Sarour in Beirut. pic.twitter.com/bIYEa8LvRP
— Olia (@OliaOnX) September 26, 2024
Според ИДФ, во последните години тој го водел производството на беспилотни летала на Хезболах и воспоставил локации во Либан каде оваа терористичка група произведувала експлозивни дронови, од кои некои биле лоцирани во цивилни згради во Бејрут.