Бројот на жртвите поради природната катастрофа во Валенсија надмина 160 човечки животи. Еден од нив е Хозе Кастиљехо, поранешен фудбалер на академијата на Валенсија и играч на други клубови од пониска лига. Имаше само 28 години.
Шпанскиот прволигаш преку своите канали ја објави веста, а во овој момент не се знае точно како несреќниот Хозе го загубил животот.
„Валенсија длабоко жали за смртта на Хозе Кастиљехо, кој стана жртва на катастрофалните последици од поплавите. Хозе беше дел од нашата Академија и играше за неколку клубови низ областа на Валенсија“, објави клубот на својот Твитер профил.
El @valenciacf lamenta profundamente el fallecimiento de José Castillejo, víctima de los desastres de la #DANA
José Castillejo formó parte de la @Academia_VCF hasta etapa juvenil y ha militado en varios equipos de la Comunitat Valenciana.
DEP pic.twitter.com/glsR3UKTfF
— Valencia CF (@valenciacf) October 31, 2024