Холандија има намера да воведе контрола на копнените граници од 9 декември за патниците од сите земји на ЕУ кои се во Шенген зоната, како и за некои странци кои патуваат во Холандија со авиони од земјите потписнички на Шенгенскиот договор, соопшти Министерството за миграција.
Проверките ќе траат шест месеци, дел од поширокиот план за сузбивање на илегалната миграција предложен од холандската десничарска коалиција предводена од националистичката, антимуслиманска партија ПВВ на Герт Вилдерс.
Според Ројтерс, оваа одлука на холандските власти следи по слична одлука донесена во соседна Германија.