Вработените во американското Министерство за здравство и човечки услуги денеска почнаа да добиваат известувања за отпуштања, како дел од големото најавено реструктуирање во кое се очекува до 10.000 луѓе да ги загубат своите работни места, објави денеска АП.
Известувањата за отпуштања дојдоа само неколку дена откако американскиот претседател Доналд Трамп одлучи да им ги одземе правата на колективното договарање на работниците во Министерството за здравство и човечки услуги и други владини агенции, пишува американската агенција.
Министерот за здравство Робер Кенеди Џуниор минатата недела најви реорганизација на министерството, кое е одговорно за следење на здравствените трендови и избивање на болести, спроведување и финансирање на медицински истражувања, следење на безбедноста на храната и лекови и управување со програмите за здравствено осигурување.