3
Милан оваа сезона е во слободен пад. „Росонерите“ се само на деветтото место на табелата во Серија А, со пет бода помалку од тимовите на позициите што водат во европските натпреварувања. Испаднаа и од Лигата на шампионите, а единствениот трофеј што евентуално би можеле да го освојат е Купот на Италија, во кој оваа среда го играат првиот полуфинален двомеч против Интер.
Поради сето наведено, италијанскиот гигант повторно размислува за смена на тренерот.
Милан ја започна сезоната со Паоло Фонсека, но тој доби отказ во декември и на негово место дојде Серхио Консеисао, кој очигледно нема да остане во клубот следната сезона. Имено, како што пренесува „Газета дело Спорт“, раководството на Милан размислува да го замени португалскиот стручњак на крајот од сезоната, бидејќи не забележале никаков напредок во тимот под негово водство.
Италијанските медиуми отидоа чекор понатаму, тврдејќи дека замената на Консеисао веќе е пронајдена.
Се работи за Роберто Де Зерби, тренерот на Марсеј.
Италијанскиот стручњак претходно го водеше Брајтон, со кого постигна одлични резултати, заслужувајќи пласман во Лига Европа, каде стигна до четвртфиналето. Де Зерби од минатото лето е на југот на Франција, каде што раководи со Марсеј, кој моментално е на третото место во Лига 1.