Еден од најпознатите холивудски актер Вал Килмер, почина на 65-годишна возраст. Причината за смртта е пневмонија, соопшти неговата ќерка Мерцедес Килмер.
На Килмер му беше дијагностициран рак на грлото во 2015 година, од ко подоцна се опорави. Поради тоа зборуваше со помош на машина, а на почетокот својата болест ја чуваше во тајност и се повлече од јавноста.
Килмер се прослави со улогите на Џим Морисон во филмот „The Doors“, потоа глумеше пилот во филмот „Top Gun“ покрај Том Криз. Го играше и Бетмен во истоимениот филм.
Неговиот љубовен живот беше исто толку динамичен како и неговите улоги на големото платно. Тој беше во врска со музичката дива Шер, која еднаш призна дека е „лудо вљубена“ во него и покрај разликата во години. Нивната врска од 80-тите беше страсна и инспиративна, а Шер подоцна призна дека Килмер бил единствениот маж кој ја напуштил, а не обратно.
По Шер, Килмер имаше романса со пејачката Карли Сајмон, која ја опиша како „ангел“. Нивната љубов беше краткотрајна, но длабока, а Килмер во својата автобиографија напиша дека еднаш му посветила песна која ја напишала додека биле во нејзината куќа.
Неговата единствена сопруга беше актерката Џоана Вејли, со која имаше две деца, ќерката Мерцедес и синот Џек. Нивната љубов започнала за време на снимањето на филмот „Врба“, но се развеле во 1996 година, по осум години брак.
По разводот, Килмер беше во врска со супермоделот Синди Крафорд, која ја опиша како исклучително посветена и професионална жена. Нивната врска привлече големо внимание во јавноста, бидејќи Синди во тоа време беше една од најпознатите манекенки во светот.
Во 2000-тите, неговиот љубовен живот ја вклучуваше актерката Дерил Хана, за која призна дека е неговата најголема емоционална загуба. По раскинувањето призна дека плачел секој ден половина година. Имаше романса и со оскаровката Анџелина Џоли, со која играше во филмот „Александар“. Килмер ја опиша Анџелина како жена која е „повеќе од другите“ – поубава, помудра, помагична