Владата на Словачка поради проблемот со мечките прогласи вонредна состојба во неколку окрузи во земјата, а одлуката ќе стапи на сила денеска во 14 часот.
Застрелувањето на 350 кафени мечки било одобрено и врз основа на извештајот на Државната управа за заштита на природата, пренесе Ројтерс. Како што беше наведено претходно, словачкиот министер за заштита на животната средина Томаш Тараба рече дека во 2020 година имало 650 средби меѓу луѓе и мечки во природата.
„Минатата година имало 1.900 вакви средби. Секоја година бројките се зголемуваат. Тоа се официјални податоци и мора нешто да се преземе околу тоа“, посочи министерот.