Високиот претставник на ЕУ за надворешна политика и безбедност, Каја Калас, изјави денеска дека европските земји веќе ја снабдуваат Украина со повеќе од половина од потребната муниција.
„Овие работи одат многу добро. Треба што побрзо да испорачаме помош на Украина. Драго ми е што веќе имаме различни предлози и што различни земји придонесуваат. Во моментов располагаме со повеќе од 50 отсто од потребните средства“, рече Калас пред почетокот на самитот на министрите за одбрана на ЕУ во Варшава.
Украинскиот претседател Володимир Зеленски оцени дека на земјата и се потребни два милиони артилериски гранати, за што се потребни пет милијарди евра.