62
Навикнати сме на секакви сцени на Балканот кога е фудбалот во прашање, но се чини дека Бугарите ги поместија границите. Забележена е необична ситуација, ни помалку ни повеќе, во ВАР-соба каде што повеќе судии гледаат спорни моменти.
Некој го снимил моментот кој очигледно бил прикажан и во ТВ пренос, каде била прикажана ВАР просторијата, а таму еден судија држи мобилен телефон со вклучена апликација за обложување.
Фотографиите и видеата станаа вирални на социјалните мрежи. Ова се случувало на последниот натпревар меѓу софиски ЦСКА и Локомотив.
Останува прашањето дали Фудбалскиот сојуз на Бугарија ќе покрене истрага за овој скандал.
Иако корисниците на социјалните мрежи се обиделе да ја зголемат сликата на екранот на телефонот, не можеле да забележат на кој меч се обложувал судијата во ВАР-собата.